7. März 2022

Zuversicht

Judith Rimmelspacher

Kommentare

Heut‘ steht in meiner Zeitung
man darf auch Freude haben wenn Krieg ist
mer derf au lache un sei Gedanke
mitnanner deile
sich gegeseitig die Ängscht nemme
de Kinner erkläre mit eifache Worte
dasses verstehe un net die Angscht
von uns Eldere un von uns Großeldere
uff se übbertrage
die so viel Schlimmes erlebt hen
un die jetz alles widder eiholt
was do grad uff de Welt bassiert
lasset se verzähle
wie se a flüchte hen müsse
wie se unser Land widder uffgebaut hen
e uglaubliche Meischterleischtung
ich weisses weil mei Eldern mir
des immer verzählt un nix verschwiege hen
Luftschutzkeller Sirenegheul
ghofft dass d’Söhn un Vädder ausem
Krieg heimkomme
manche hens gschafft
viele net
was hen die gschuftet
Trümmerfraue
Mei Mama war au debei
De Babba hat noch lang
vom Krieg gedräumt
schloflose Nächt‘
Kinner hoffentlich müsst ihr
des nimmeh  erlebe
hatter immer gsagt

Un jetz:

Abber Angscht macht au Mut
wer kei Angscht hat
isch leichtsinnig sagt mer
Abber es derf kei Angscht sei

die lähmt un Leib un Seel‘ krank macht
also haltet zamme
schwätzt mitnanner hört euch zu
dut enanner Gudes
es gibt so en scheener Spruch
der isch jetz hochdeutsch:
Wenn Du meinst, nichts auf der Welt
könne dich trösten
so tue jemand etwas Gutes
und gleich wird’s besser sein
egal wie in irgendeiner Form
zuhöre allei langt scho
Freunde eilade
enanner verwöhne
miteme gude Esse
un em Herrgott danke
dasses uns noch immer gud geht
Uns isch’s nämlich viel zu lang
viel zu gud gange
des hemmer vergesse
ha uns kann doch nix meh bassiere
mir sin doch wer
eigebildet Demut verlernt
Ja von wege jetzt müsse mers bitter erfahre
nix isch selbschtverständlich
Zuversicht
wo Sonn‘ isch isch au Hoffnung…..

 

 

 

 

 

 

 

 

2 Kommentare

  1. Jürgen Friese

    „wo Sonn isch isch au Hoffnung“

    Des gefallt mer bsonners!

    Antworten
  2. Petra RieBüh

    Ach, liebe Judith! Du bisch halt einfach so warmherzig! Dei Worte duhn richtig gut!

    Antworten

Einen Kommentar abschicken

Deine E-Mail-Adresse wird nicht veröffentlicht.