„Set tut la memm schos“,
des moint de Franzos.
„iz ohlweis de saim“,
denkt en Brite dehaim.

Wenn ihr mi frogt, dann henn baide recht.
Obs ledschd Johr gud war oder schlecht,
des derf jeder fer sich entscheide.
Blohs, misse alle Mensche leide,
dann mechd i des Wertle „gud“ vermeide.

De homo sapiens, will mir scheine,
däht mit „Weisheit“ was anneres meine.
Un die Grinder von de Religione,
wo ergedwo im Weltall wohne?
Die Leit sin glicklich, hen se denkt,
wenn mer ene de Friede schenkt.
Se henn des werklich a so gwott,
dass mer sich friedlich oiniche sott.

Pfaffe,Bonze un gieriche Leit,
Händler un Herrscher sins, wo heit
iwweral de Gwinn abzwacke,
ums uf ihr Konto druffzupacke.

Mer gucke jetz ufs letschde Jahr,
wie gut oder a wie schlecht des war.
Ich hoff, es kumme bessere Zeite,
die uns de Schbass net so verleide.

Doch laider werds scheints widder blohs
franzesisch:“ Set tutt la mem Schohs“.

OA0820