20. Februar 2021

Wieviel Uhr es isch!

Thomas Heitlinger

Kommentare

Wie viel Uhr es isch?

Wie viel Uhr es isch, wolle Sie wisse?
Warte Sie, des hen mir glei.

Jetzt isch es genau …, Moment!
Jetzt isch ganz genau fünf Minute vor drei viertel vier.

Wie? „Das haben Sie nicht verstanden?“
Ja, höre Sie vielleicht schlecht?

Drei viertel vier? Wie erklär ich Ihne des?
Des isch net oi’fach, do muss ich selber überlege.

Drei viertel vier, des isch im Prinzip …
Des isch praktisch ä halbe Stund nach viertel vier.
Oder ä viertel Stund nach halb vier.
Oder aber ä drei viertel Stund nach drei.
Wie es Ihne am liebschte isch.

Was sage Sie? Ihr Bus fahrt um Viertel vor.
Ha, bis dort no, do isch noch lang.
Ha ja. Viertel vor.
Do könne Sie sich noch Zeit lasse.

Viertel vor vier. Des isch noch arg lang.
Des isch doch… Jetzt muss ich mal ganz dumm frage.
Des isch doch dann, wenn der große Zeiger uff Viertel steht
un der kloine …

Der große uff Neun, sage Sie.
Jetzt wird es aber interessant.

Höre Sie bloss uff! Mache Sie koi Sache.
Des sollte mir schon mol g’nauer o’gucke.
Aber get. Sie hen grad net viel Zeit.

Get, Sie hen es eilig?
Ha des isch jetzt kompliziert.

Drei viertel vier.
Aber klar. Die Idee isch super!

Ich könnt uff meiner digitale Uhr nachgucke!
Oh Sie! Jetzt gibt’s ä gute un ä schlechte Nachricht.

Also zuerscht die gute.
Sie werde es net glaube, aber des stimmt.
Ganz ehrlich: drei viertel vier und Viertel vor.
Des isch des selbe.
Ausg’schriebe fünfzehnuhrfünfunvierzig. Im vollen Wort.

Die schlechte Nachricht isch:
Sie des tut mir richtig leid. Sie.

Mei Uhr geht fünf Minute nach.
Ich glaub Ihr Bus,

der isch wohl fort.

(aus Gnitz (c) 2006)

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.