Weltlepratag
(letzter Sonntag im Januar)

Die ganz Welt ächzd unner dem Koronavirus.
Dauernd werd gschdridde, was gmachd werre muss,
um die Kranket eidämme zu kenne.
Awwer vielene gehds schun z lang! Se renne
mid quergedenkde Parole un Gschrai do rum,
un halde alles, was gmachd wird, oifach fer dumm.

Es isch awwer a mol noch was anners in Sichd.
De Welddag gege Lepra henn se eigrichd.
Die Lepra oder a noch Aussatz genannd,
isch im Siede vum Erdball lang schun bekannd.
In Afrika un Indie sins bsunners arg viel.
In Lepra-Kolonie finne die kranke Asyl.
Dreizeh milione Kranke solles sei,
un Zwanzichachtzeh wares hunnerdzwanzichdaused neie.
Oin Droscht isch do desmol debei;
Die Novartis-Schdifdung schbendt die Arznei.
Wemmer die Kranket net ofangs glei verwischt,
Dann bleibd die Xundhaid uf Dauer vernichtd.
Die schreckliche Folge zu schildre,
kann laider de Zuschdand a net mildere.
Drum will e mehner dezu jetz net sage.
Do missde der de Guhgl frage.

OA0121