30. Mai 2021

Wàhlproschtitütion, eine Glosse von Edgar Zeidler

Edgar Zeidler

Kommentare

Wàhlproschtitütion

Dass Präsident Macron „seine“ Bürger mit regionalem Gedankengut für dumm verkaufen will, ist eine Sache. Dass er dabei vom „Rassemblement national“ übertroffen wird, eine andere

E pààr Daj nohnem Beschluss vom Verfàssungsrot (Conseil constitutionnel) der immersiv Unterrìcht ìn de Regionàlsproche àls verfàssungswìdrig ze erkläre, hät unsere Presidant, per facebook !!!, e Erklärung ìns Lànd gschìckt *, won er d Regionàlssproche àls « nàtionàler Sprocheschàtz qualifiziert » un d Vereinigunge lobt (wie Diwan ìn der Bretagne oder ABCM ìm Elsàss), wo durich ìhre « immersiv Unterrìcht dia Sproche àm Lawe erhàlte un ìhri Züekunft garàntiere ». Zum Schluss sajt er, àss er ìn der Regierung un ìm Pàrlamant der Ufftràj ga hät, « Mìttel ze fìnde, fer d Ìwertràjung vo dare Sprochevielfàlt ze gàràntiere », un… blablabla, blablabla…
Fer wie dumm verkauift eigentlig der Macron sini Bìrger? Denn zitter wenn kàt e frànzeesche Presidant e Beschluss vom „Conseil constitutionnel“ ignoriere oder sogàr hintergeh? Oder meint er tàtsachlig, àss er jetz „Jüpiter“ heisst?
Jeder, wo sich e bìtzi mìt Politik àbgìtt, weiss, àss Wàhle vor der Tìr stehn: CEA- un Regionàlwàhle (20.6. un 27.6.), un s naachscht Johr Presidantschàftswàhle. Irgend e Beroter müess im Macron ìns Ohr gezwiiselt hà, àss der Wàhl-Gejjewìnd üss der Bretagne stàrik hät fànge à blose, un àss üss de àndere Regione regionàlistischer Nìderwìnd uffkommt, wo ìn der LREM e Hüffe Stìmme ewagblose kännt.
Geschtert, àm 29. Mai, hät de regionàl Gejjewìnd schon emol ìwers Frànkrich gfajt. Tauisigi sìn ìn Guingamp uff d Stroß gànge, ìn Colmer hät’s sogàr e bìtzi getschaddert. Der „àrm“ Jean Rottner ìsch wie sallemols der Valls ìn Strosburg mìt Mahl getaift worre, un der Jacques Cattin hät d Narve verlore, won er gsah hät, àss der Christian Zimmermann (RN) dia Szèn mìt sim Sàckpipser gfilmt hät. Mìt em Resültàt, àss der zweit der erscht waje Kärwerverletzung verklàjt!
Apropos RN: Ìwer einmol entdecke d Hurrapàtriote, un d Europagejjner üssem Le Pen Làjer, àss regionàlìstisch Blüet durich ìhri rotwissblauie Odere gluckert!!! Dia welle, behauipte se, zerscht emol der „Große Oschte“ sprange un zu de àlte Regione zruckkehre. Sogàr d Regionàlsproch, d regionàl Identität welle dia Wàhlstìmmefanger färdere! Bref, se schnide ìn „Unser Land“ s regionàle Gràs vor de Fiess ewag un stelle d Klinkert un der Rottner ìn der regionàl Schatte!
Ich stell fescht: Der Macron un d Le Pen triwe, Hànd ìn Hànd, Wàhlproschtitütion noh de Notte! Vive la France!

Glossar
Ufftràj, Auftrag
Ìwertràjung, Übertragung
gfajt, gefegt
‘s hät e bìtzi getschaddert, es gab ein bisschen Radau
Sàckpipser, Smartphone
Kärwerverletzung, Körperverletzung

30.5.21
EZ

* « Les langues de France sont un trésor national. Toutes, qu’elles soient issues de nos régions en métropole ou de nos territoires d’outre-mer, ne cessent d’enrichir notre culture française.
Depuis des décennies, un mouvement majeur de transmission par l’école immersive, au travers d’associations comme Diwan, Seaska, les Calendretas, Bressola, ABCM et d’autres, a fait vivre ces langues et a garanti leur avenir.
Rien ne saurait entraver cette action décisive portée par nombre d’engagés, souvent bénévoles, qui ont tout à la fois l’amour de leur région, la passion de la France et le goût de l’universel.
Le droit doit libérer, jamais étouffer. Ouvrir, jamais réduire. La même couleur, les mêmes accents, les mêmes mots : ce n’est pas cela, notre nation. Braudel l’écrit : la France se nomme diversité.
En tant que Président de la République, je suis tout à la fois protecteur de la langue française et gardien de la richesse que constituent nos langues régionales.
Voilà pourquoi j’ai demandé au gouvernement et au Parlement de trouver les moyens de garantir la transmission de cette diversité linguistique dans le respect des cadres pédagogiques largement reconnus depuis un demi-siècle. »
E. Macron

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.