20. September 2022

Wäschlumbbe fa d‘ Leit in „The Länd“ odder was ?

Angelika Futterer

Kommentare

 

 

Leit, wisst’er noch, wie’mer uns sellemols (schun bal widder e Johr her !)  iwwa „The Länd“ uffgregt henn ? Un heit denkt koaner meh droa …

Doch, halt…’s schdimmt net : heit hot en Grawe-Neiderfer * sich widder b’sunne un dess Thema nochemol rausgekroamt…der hot scheints die 21 Milljohne (wu die Werwekampanje domols gekoscht ghat hot)  a nonet nunnergschluckt ghat  un jetzt den Schbar-Uffruf  vun unserm Minischderpräsident  un seim Vorschlag zum Nutze vun Wäschlumbbe anschdell vum Dusche zum Uffschdooße gebraucht  !  (?)

Do soll gschbart wärre, moant’er  un sellemols hedd ma ’s Geld zum Fenschder nausgschmisse !

Fa e neiji Werbekampanje  schlagt’er  vor: „Baden-Württemberg, unser Land, unsere Heimat “ un ded den Schbruch fa en Bruchdail (1%) vun sellene domols verblemberdde 21 Milljohne (dess wäre 210 000 €, wann i richdich g’rechnt  hab) „als Spende an die Tafel in Graben-Neudorf “ fa oagmesse halde.

Wahrscheins schafft’er dort (?)  un froogt sich dodriwwer naus , wer eigendlich fa so e „Fehlplanung“  hergnumme wärre kennd (?)

Koi schlechde Froog , wa’ma uns schun mit de Wäschlumbbe kummt, odder ?

 

  • siehe Leserbrief  „Nur Hohn und Spott“ im BNN-FORUM  vom 20.Sept. 2022 -Zur Werbekampagne „The Länd“

1 Kommentar

  1. Angelika

    eigene Ergänzung (weil aktuell ): „CLEVERLÄND“

    Dass demm „The Länd“ domols mit „Hohn und Spott“ begeg’nt worre isch, hot scheints nimmand vun de Landesregierung wirklich g’juckt , sunscht hedd si net ’s Mobil fa d‘ Energieschbarkampanje „CLEVERLÄND“ gedaaft un jetzt so durch’s Land gschickt…odder ?

    (Anm.: Lt . BNN von heute , 22.9.2022, S. 21 kommt es am Sa, dem 24.9. nach Bruchsal u. steht dort von 10-16 Uhr auf dem Otto-Oppenheimer Platz)

    Antworten

Einen Kommentar abschicken

Deine E-Mail-Adresse wird nicht veröffentlicht.