Idaliänische Insel!
Ewwe noch am Strand rumg’flackt.
Dolce Vita und
mediterrane Flair genosse!
Awwer donn:
de Urlaub isch rum.
Mid em Kauderwelsch Taxifahrer
zum Flughafe kutschiert.
Dort schwätze se alle
idalienisch odda englisch odda suaheli
Dann werrsch durch des Personeleitsyschtem
an denne Gurte durch g’schleußt.
Bei de Gepäckkontrolle und Leibesvisitation
verstesch kaum, was se dauernd welle.
Schließlich:
Gate 18
– hinnerschtes Eck im Flughafe –
Warte uf Boarding.
Do horch!
Badisch g‘schwätzt!
Und do:
Brigandedeutsch!
In Italie hosch se nirgends g’hört!
Awwer jetzat:
äu Ziel !
Baden Airport, Rheinmünschter
Im Schwätze
- fern der Heimat –
bischt quasi jetzat
scho dahäum.
Hallo Buddy, do sieht’ma mol widder, wie’si zammegheere : d‘ Schbrooch un d‘ Heimat !
Wie muss dess erscht im Krieg gwest sei 1945 domols fa en junge Mann in de G’fangeschaft:
„De Oswald vun Lingefeld spitzt sei Ohre wie en Luchs
wie er misch babble heert , genauso hab isch reagiert
Unner Dausende vun G’fangene endlisch en verdraude Laut
vun de Heemet
en lang entbehrde Ohreschmaus …“ *
*zitiert nach Rudolf Futterer : “ Badisch-Pälzisch gebabbelt…“ , Huber-Druck, Bad Schönborn 1997