Jetz mol was ganz anneres – für Kinner, alle Kinnergebliebene, alle Eldere un Großeldere, Dandene und Onkel
De Thomas hat me mit seim Stutzebock an des Kinnergedichtle erinnert,vielleicht kenne des noch e paar Omas un Opas. Mei Mama hat des scho mit uns gmacht un am Schluss von dem Gedichtle hemmer immer „Stutzebock“ gmacht. Des Gedichtle geht so:
Tripps tripps drill de Bauer hat e Füll, des Fülle will net laufe, de Bauer will’s verkaufe, verkaufe will’s de Bauer, des Lebe wird ihm sauer,
sauer wird ihm’s Lebe, de Weistock der hat Rebe, Rebe hat de Weistock un Hörner hat de Geißebock (un dann sanft de Kopf ans Köpfle stoße).
Probierets eifach un mer wird staune, wie schnell des die kleine Kinner auswendig lerne un des immer widder höre wolle.
Hallo Judith (un Thomas),
i kenn dess a noch…zwar net so umfangreich wie Du, Judith…awwer am End hot’s g’haiße: „Hammele, hammele Schdutzebock…“ un dodebei hot mer „sanft“ gegesaidich mit de Kepf en Schubbser gmacht…
Dess war e Ritual, wu de gloane Kinner immer gut gfalle hot wie’s Fallelosse beim Hoppe-hoppe-Reiter…