THINK POSITIV!
Posediev denke, des predicht mer uns jetzerd schun Johrzehnde in de Medie, in Biecher un Vordrähg.
Ih denk emol, wie mer sehd, hod sich die Sach bewährd, un es isch faschd iwweral vorwärts gange.
Mer hed debei bleiwe misse un ruhich weidermache.
Bis do so en klitzekloiner Genschnipsel uf oimol Schdunk gmachd hod.
Des war schun e werklich oimoliche Sach mid dem Covid, was der do driewe hod mid de Leit.
Wie es em dann aa noch langweilich worre isch, hod er sich oifach immer widder verännerd. Mir henn wie bleed Antikerber bildt un glaabt, es ging so weider.
Jetz duhn mer so, als wie wenn mers gschaffd hedde un helfe de Farmazie zum Schnellteschdgeldverdiene. Nadierlich koh mer mid 95 Brozend richdiche aa lewe, beim Loddo wärs sogar grandios.
Jedefalls misse mer uns jetzt gewaldich umschdelle, negativ denke isch jetz in.
Negativ isch gud, positiv isch schlecht. Alles gehd positiv, wenns negativ isch,
un mid positiv musch dann aa noch in de Qualantähne dich midem Fernsehprogramm beruhiche losse. Ob debei was gmerkd hosch vum Covid oder net, nochher bisch widder gsund un fidel.
Ohne Teschde war des aigentlich frieher schun ähnlich.
Wann do Kopfweh ghad hosch, hosch des gmerkd un e Piramidon eigschisse,
frieher hald mid positiv denke.
Wenn der jetz negativ denket, un saged, was do positiv schdeht, wär en Bleedsinn, dann hender nadierlich a widder rechd.
Also positiv driwwer nochdenke.
OA1022
Oh Otto,
ganz ehrlich : die Denggerei mit dem positiv un negativ … wann un wu des gut sei soll…isch mer echt zu hoch zur Zeit: mir laaft d’Nas, i huuscht un dess net wennich…mein Hern isch net im Beschtform. Awwa was i noch kann, isch: ’s Gschbier uffbringe fa sonnere Sache un Humor noch walde losse un lache!
Zum erschde …muss i de grad mol frooge : war die „Qualantähne“ in de siebtledschde Zeil en Verschreiwer odder hosch gärn die Quarantäne als Qualantähne bezeichn‘ t ? – was si nämlich a sei kann – un dann wär es e scheeni Pandemie -Wort-Neuschepfung !
Un zum Zwaide: lache haww i doch misse iwwa dei vergessenes „m “ im ledschde Wort vun de viertledschde Zeil…im Zammehang mit ‚m Piramidon…
Also war Dein Beitrag doch meh wie positiv fa mein Kopf un mei Seel‘ !