Au im Halloweenbereich sieht’s mau us mit de Fachkräft.
Do stehn am Owe vor Allerheilige drei Kerli in zivil vor de Hustiir. „Ähm, un was isch euer Koschtüm?“ frog ich. Einer ziegt sini Kapuz vum Pullover rab un widder uf. „Des.“ Aha. Un dodefir sollsch jetzt e Schoklad spendiire? Wenigschtens d Spinnhudle, wu doch sicher unter ihre Better leje, hätte si sich uf de Pullover bäbbe kenne. „Also bis nägscht Johr“, sag ich, „un derno verkleidet, suscht git’s nix.“ Des losst die Buebe kalt. Un was „Spinnen-Hoodies“ sin däte si au nit wisse. Villicht Kapuzepulli fir Insekte?
Die zwei nägschti sin Maidle in Nachthemmder wie bim Hemmglunker am Schmutzige Dunnschtig. Si piipse e Spruch so liis, dass mer ne kuum verstehn kann. Dass es nit ganz so triebsinnig witergeht, rief ich „Narri!“ un wirf e Päckli Gummibärli halwer durch d Luft wie bim Fasentumzug. D Maidli luege sich nur stumm an, bis sich eini traut zuem sage: „Wir heißen nicht Marie.“ Awer Gummibärli derfe si bhalte.
Bis derno drej Kinder in Operations-Klamotte kumme, perfekt usgstattet als Horror-Doktere. Si hän sich e Spruch iwerlegt un sogar noch meh: Wer nix git, kriegt Surs – gemeint sin Zitroneschiibe, wu si im e Glas mitschleife. „Die sin sogar bio!“ Ich bin begeischtert. Au wenns mit de Fachkenntnis noch eweng hapert: Vum Fiirtig „Allerheilige“ hän si no nie gheert un stattdesse hän si z’erscht „Allah isch heilig“ verstande. Awer was solls, mer muess au mol e Aug zuedrucke mit de junge Fachkräft. S geht jo schun in d richtig Richtung. Irgendebbis mit Religion halt!
Hosch recht, Ulrike (irgendebbes mit Religion halt) vielleicht kumme nägschd Johr korz vor Weihnachde e paar annere mit Schbinnehuddl an ihre Hoodies, weil si grad vun irgend’eme Schddall aus losgloffe sin un dort schun emol „vorgeglieht“ henn… (???)
Awwer Dir un alle Blog-Leit un all , wu dess lese, e fröhliche Weihnacht !