27. April 2022

Sowas vun mied………..

Otto Arnold

Kommentare

Sowas vun mied-
Sowas vun mied awwer aa, wiene grad bin!
Do kummd mer schun de Covid in de Sinn.
Blos, wie oft kannsch mid dem Ärger kriege?
Dähde do alle Mediziner liehge?
Awwer wenn mer mei Umgebung siehd,
wo faschd alle sage, sie wäre mied,
dann muss e ind Hischdorie gehe
un nooch de Volksweishaide sehe.
Des isch ned dumm, schun faschd gar gscheid:
Es isch die Friehjohrsmiedichkaid !

OA0422

2 Kommentare

  1. Angelika

    Hajo, Otto…die Art vun Miedichkaid hot’ma iwwa allem annere so gut wie vergesse (zerscht denkt ma an Covid un Omikron, dann an psychische Ursache wege em Welt-Zustand … awwa d’Friehjohrsmiedichkaid scheint schun a e Roll zu schbiele, immer noch…
    Bloß bin i – glaaw i – noch viel mieder wie Du …obwohl i e Verddljohrhunnerd jinger bin…un ded dess sicher – wär i in Dei’m Alder – uff’s Alder schiewe…
    Dass Du dess net mach’sch, zeigt, wie gut druff Du sunscht noch bisch mit bal 95 iwwerwunnene Friehjohrsmiedichkaide !

    Antworten
  2. Petra RieBüh

    Super! Des Gedicht spricht ma aus de Seel!

    Antworten

Einen Kommentar abschicken

Deine E-Mail-Adresse wird nicht veröffentlicht.