17. März 2023

Sonne’brille

Thomas Heitlinger

Kommentare

Sonne’brille

 

Wer als Mann kann schon die Frau verstehe ? Männer un Fraue sind anderscht. Völlig verschiede. Völlig anderscht.

Jetzt achte Sie mal druff. wieviel Fraue mit ä’rer Sonne’brille in der Gegend rumlaufe. Ja net uff der Nase. Uff äm Kopf. Wie än Haarring uff’g’stellt, die Gläser uff äm Kopf!

Blonde, Braune, Brünette, Schwarzhaarige! Alle hen die Sonne’brill uff äm Kopf!

Ob die Sonn schein oder ob es regert. Ob es dunkel isch oder hell. Am Morgen, Mittag, Abend oder mitte in der Nacht. Die Sonnebrill sitzt net uff der Nase. Sie isch uff äm Kopf.

Seit ich es g’merkt hab, hab ich mich oft g’fragt, Warum isch die Brille uff äm Kopf. Ob damit die Frisuer g’schont wird? S’Haar net ausbleicht. Das die Haar net nass werde, wenn es regert. Ich tät jo gern mal frage, aber Fraue sin heutzutag so empfindlich,

Wenn ich oine frag, warum sie die Brille uff äm Kopf hat, sagt die vielleicht: Des geht mich doch nix o! Des kann mir doch egal sei. Hör bloss uff! Ich frag net. Ich bin doch net blöd! Schon oifache Frage könne in Katastrophe ausarte. Isch des Echt oder Silicon?

Aber Leut. Neulich! Neulich hab ich es ausprobiert. Ich hab denk, was die könne, kann ich schon lang. Ich bin also in mein stilles Kämmerle und hab mir ä Sonnebrille von der Nas uff der Kopf nuff g’schobe! Ja!

Sie werde es mir net glaub. Es war ä große Enttäuschung . Des hilft überhaupt gege gar nix.

Es war praktisch koin Unterschiede.

Man kann es wende, man kann es drehe.

Also zurück zum Anfang.

Wer uff der Welt kann als Mann die Fraue schon a verstehe?

aus Stutze’bock (c) 2023

 

1 Kommentar

  1. Angelika

    Also Thomas…so ebbes kann’sch wahrscheins schlecht noochvollziehe, weil koi längere Hoor hosch… (!)
    Oagnumme, Du heddsch längere Hoor, wu’der beim Schaffe odder wann’s windich isch, leicht ins Gsicht falle un de nerve, weil se a net gut hinner de Ohre bleiwe, dann brauchsch- um die zrick zu halde- halt e Schbang odder en Hoorraif odder e Hoorband…
    Odder awwer a e Brill (!) : wann sunscht koine brauchsch zum Gugge, dann halt e Sunnebrill… weil die schiebt ma sowisso als nach owwe, wa’ma se bei Normallicht odder in’eme Raum drin net braucht… un bevor ma e Hoorband odder en Hoorraif uffsetzt, wu dann zamme mit’ere Brill uff’m Owwerkopf net gut duht, setzt ma halt bloß d’Sunnebrill uff , schiebt se an de Owwerkopf un e bissl nach hinne , bis ma se widder gege d’Sunn braucht (wie z.B. beim Audofahre)…
    Isch doch ganz praktisch, mit so’re Sunnebrill‘, dess verschdehsch doch , odder ? Mir Fraue sin halt praktisch veroalagt…schun immer gwest !

    Gut, ja, isch vielleicht a e bissl „Schdailing“ debai, wa m’a dess macht (?)

    Un – ja , hosch recht – ’s gibt a Fraue mit Frisure un Hoorlänge, wu d‘ Hoor net grad ins Gsicht falle un schdeere dede beim Gugge, un wu dann trotzdem schdundelang d’Sunnebrill do owwe uff’m Kopf schbaziere drage…die wolle se dann entwedder a schnell griffbereit hawwe un uff d‘ Nas schiewe kenne , wann se se gege de Lichtei’fall brauche un net erscht lang rumneschdle misse un se irgendwu groß suche… odder awwer: si e´henn se bloß weg’em „Schdailing“ uff… a wann’s drieb un schun dunggl isch… odder: si henn se uff, weil ma net seh sollt, wann se heile (heule) zum schnell Runnerklabbe in dem Fall odder si henn si oifach vergesse, vum Kopf runnerzunemme, was a sei kann…

    Isch doch net schwer zu verschdehe, odder ?