Sie war ganz aus em Häusle. Hie un weg war se von dem selde scheene Strauß in sellem Blumelädle in Eggschdoi. So Tulpe hat so no nie g’sehe. Inne g’füllt, irgendwie franzich, kloiner wie normal, aber in ganz raffinierte Paschdellfarbe: Blaßlila, zartorange, weinrot marmoniert! Kurzum, der Strauß muß her, egal, was es koscht! Do werd d’Schwiegermudder Auge mache, wenn se zum Esse kommt!

Zwei Daag hat se sich draa g’freut, do laßt der uff eimol die Stiel hänge, un e paar Blüde kriege scho so e Art Braunstich. Wie kann des sei? Sie hat den Dünger vom Blumeg’schäft nei, sie hat dene jede Daag frisch Wasser gebbe! – Sie sortiert paar aus. Hecktisch. Behängt die annere mit bunte Eilen und Schleife. Stützt die oine mit de annere ab. Sie isch verzweifelt. Sie kann jo nix Anners meh kaufe! Heit isch Oschdersonndaag. Un nachher kommt d‘ Schwiegermudder. (!!)

E bissel zaghaft stellt se die edle grüne Vas mit dere neue Blumekunscht uff de Disch. Do kommt ihr Mann ins Wohnzimmer, guggt kurz druff un fahrt se aa: „Was isch en des? So e armselig’s Glump, so e arm’s! Mach des G’schtrüpp weg! Dei komische Tulpe do, die kannsch de Hase gebbe!“