5. Juli 2023

So isches…

Otto Arnold

Kommentare

So isches…

Jetz hemmer Juli im Kalender.
Die Sunn wird brenne bis September.
Seit Generatione wars bekannd:
Bletzlich hosch en Sunnebrand.

Do wersch ganz rod, kannsch Blohse griege
un trausch de kaum ins Bett zu liege.
Des schmerzd oin, un dann häut mer sich,
grad so wies bei de Schlange isch.

Feschde wird, aa wenns nix nidzd,
Crem un Louschen driwwergschbritzd.
Nooch zwai drei Woche isch die Gschichd vorbei.
Wennd glaabsch, des kennnd was zum draus lerne sei,

dann merksch werkle uhschenierd,
wie Dummhaid widder mol grassierd.
Schun sehsch se widder bei der Hitze
drauße in de Sunne sitze.

Jetz werds mol widder klassisch gwagd.
De Curt Goetz hod e mole gsagt:
„Wer in einem gewissen Alter nicht merkt,
dass er hauptsächlich von Idioten umgeben ist,
merkt es aus einem gewissen Grund nicht.“

OA0723

1 Kommentar

  1. Judith Rimmelspacher

    Ja lieber Otto, do hasch recht, es gibt abber a liebe Idiote, Nachsicht und Güte,
    das macht sie harmloser, sagt man. Ich ghör wohl zu denne, denne die Hitz‘ nix
    ausmacht, des sin mei Temperature, vielleicht weile e Sommerkind bin.
    Grad heut habbe e altes Fraule heimbegleitet, weilse unbedingt in de gröschte Hitz‘
    eikaufe muss. Sie muss raus, unner d’Leut hatse gsagt, weilse so allei isch.
    Abber sie hat sich dann doch higlegt un ich hab versproche, dasse widder nacherer
    guck, sie wohnt in meiner Näh‘. Ob se drinbleibt? Sie weißes noch net, hatse gsagt….
    Des Menschen Wille ist sein Himmelreich…