27. Juni 2021

Siweschläfer

Otto Arnold

Kommentare

Siweschläfer

„Das Wetter am Siebenschläfertag
noch sieben Wochen halten mag“.
Vom Siweschläfer drause im Garde
kannsch awwer des Wedder net erwarde.

Die Siweschläfer, des glaabd mer heit,
ware frieher siwe junge Krischdeleit,
wo de Kaiser Decius innere Heehl bei Ephesus
eimauere glosst hot uf sein Beschluss.

Die Siwe henn awwer schdatt zu schderwe numme
hunnerdfinfenainzich Johr lang gschloofe do unne.
Anno vierhunnerdsexeverzisch, so wird gsagd
sin se ufferschdanne am Siweschläferdag.

Des war vor em Gregor seinere Kalennerreform gschehe,
drum wär als de richdich Siweschläferdag de siebde Juli zu sehe.
Wer jetz denkd, er wissd midem Wedder bschaid,
sodds besser mache, so wie die maischde Leit.

Heit isch mer doo e bißle schlauer:
de amdliche Wedderbericht  isch genauer.
un drotzdem, beim Schbazieregehe
sodsch immer noch de Wolge sehe.

OA0621

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.