Schöne Weihnachte!
Do geh ich in der Adventszeit durch die Fussgängerzone. Es isch früh am Morge un saukalt, fascht siebe Grad unter null un wenn mer aushaucht, sieht es aus wie bei ä’rer Dampfeise’bahn.
Am Krone’platz steht ä Traub von Leut an ä’rer Hauswand und sie geschtikuliere un diskutiere wie wild, un des kann am frühe morge nix rechtes sei, wenn Du mich frag’sch.
Ich geh also näher un man sieht ä Frau mit Hund. Die Frau isch ziemlich u’g’pflegt. Sie sitzt aphatisch in der Eck, nebe ihr än Bettelbecher un än Ei’kaufswage mit dem wenige was sie hat in Plaschtiktüte drin. Vor ihr liegt än großer Zottelhund.
Des isch ä Sauerei, ruft oiner. Än Skandal an anderer. Des muss mer melde, ruft än dritter un sie sin alle ganz uffg’regt und un völlig uffgebracht.
Was isch än los, frag ich än Mann. Sagt der. Ha der Hund. Was isch mit dem Hund frag ich zurück. Ja der Hund, sehn Sie des net. Der Hund! Der Hund friert!
Ich bin schnell weitergange un hab mir denkt. Gut dass mer früher net so arg sensibel war. Sonscht hätt es vielleicht vor lauter Sorg um Ox un Esel den Rescht von der G’schicht gar net gebe?
Bei der Gelegenheit un bevor ich es über den Zottelhund vergess: Schöne Weihnachten!
aus Stutze’bock (c) 2023
Hallo Thomas,
die Gschicht basst in unser‘ Zeit… un mir fallt dodezu grad e elders Lied vun de Milva ei , wu’s am Oafang haißt: „Auch der Mensch verdient, geschützt zu sein, auch der Mensch ist ein Stück Natur…“
Dass mer sowas sage un singe muss…isch schun bedenklich.
Un…Weihnachde betreffend: Jesus isch als MENSCH uff d‘ Welt kumme !
In demm Sinn wünsch ich Dir, Thomas, zuerscht
un awwer alle Leit vum Blog e bsinnliche , awwer irgendwu a e frohi Weihnacht !