Supermärkt ohne Aag’stellte,
Autos ohne Fahrer,
kei Eikauf ohne Smartphone,
uff de Bank kei Sparer.
OPs ohne Chirurge,
im Service ball bloß noch Roboter,
un duht Da wirklich mol was weh,
erscheint en Arzt uff App, PC,
d‘ Hauptsach, ‘s geht noch flotter.
Ferndiagnose von Psychiater
für noch meh G’störte uff de Welt
durch ständig Kommunikation,
steril beim Chat
im Bus, im Bett,
Emojis-Set,
un über allem steht KI,
au do als blonde Scheeheit, nett –
die Mensche bleed wie nie.
Cyberaagriff wie net g‘scheit,
uff Firme, Staat – Betrug!
Un Häcker dann im Gegezug
vielleicht de neu Beruf?
Alles Fiktion,
nix in de Hand,
sogar die eig’ne Schrift verlernt
im Multitastingwunderland
beim E-Book lese ohne Blatt –
e rechte Sensation.
D‘ Kinner dick un fett mit Brill,
wo jo fascht jedes oine hat.
„Bravo“, sag i, „G’sundheit satt!“
Jagd jetz noch nach selt’ne Erde
wege Akku un Batt’rie,
un – was soll aus unsrer werde?
Nix, scho halber hie! (??)
Rechezentre – nix wie her!
Noch meh CO2!
Nix zu trinke, nix zu esse meh,
was soll’s?
D‘ Flüß ausgedörrt – im Wald kei Holz!
D‘ Hauptsach isch, de Strom fließt noch,
un de Rescht isch scheißegal!
D‘ Hauptsach alles DIGITAL!!!
(I moin halt, un des wohl mit Recht,
alles, was ma übertreibt, isch schlecht.)
Dao sprrechs du mir un sicher viele ausem Herz, liebe Petra.
Ich schreib‘ immer noch altmodische Brief‘ und Poschtkarte, mer
glaubt gar net, wie des die Leut‘ immer noch freut‘. Solle bloß net
die Briefträger abschaffe. Alles annere macht e bissle Angscht.
Hallo Petra, Danke fer Dei „Invendur“… mei schun verschdorweni Deitsch- un Gschichtslehrerin hot mol gmoant im Unnerricht, mer Deitsche dede immer bloß in Extreme reagiere…wann ebbes sich ännere solld, dann awwer glei ganz annerscht wärre …dess war vor iwwer 60 Johr un i denk, si hot recht ghat…
S’wärd allmählich Zeit, ’s Recht uff Analoges eizufordere… wer wär do debai ?
Net schbodde jetzt, i waiß, dass dess , was mer do jetz mache, a bloß diggidal geht, ’s muss jo awwer net glei alles sei…
Oifach net – wie Du , Petra , moansch – iwwerdreiwe un fa alles e gscheids Maß finne ! (dess misst doch zu mache sei !) ???
Noi, schee isch se net, die neue Welt! Awwer zurückdrehe kann mer s’Rädle halt au nimmee
Versuche mer’s mit Humor zu nemme.