„Zum Geborzdag viel Glück“ singt d’ Familie Lehmann eiträchtig im oberschte Stock von dem Eckhaus in de Reinhold Frank Straß. D‘ Silvie blost 9 Minikerzlen aus, uff sellem runde Apfelkuche. Den hat d‘ Oma gebacke, aus Brusl. Die macht des immer grad so, ohne Rezept, laßt d‘ Schale draa un duht viel Nüß un Zimt nei, alles ganz fein g’mahle. Uff jede Fall, so en Traum von eme Kuche gebt’s in ganz Karlsruh net, do kannsch weit gehe!
D‘ Silvie isch uffg’regt. Ihr gröschter Wunsch isch in Erfüllung gange: e Kart für de KSC! Des erschte Mol im neue Stadion! Do war se no nie, au net bei de Eröffnungsfeier. De Babba hat se immer verströschtet: „Wenn ’s wärmer werd, derfsch mit!“ Un heut isch’s soweit. De Frühling isch da! Am negschte Sonndag geht’s los: E Heimspiel gege Hertha BSC!
Sie hopft rum vor lauter Freud. Aber des isch no net alles. Sie will uubedingt mol selber mitmache, in de Jugendmannschaft beim Frauefußball. Dene Bube von ihrer Klass hat se uff em Boltzplatz scho ’s Fürchte g’lernt. Un de Babba hat au g’sagt, dass se Talent hat. Der hat ere jo alles beigebracht. Bloß d‘ Mama isch net so begeischtert. Die hat Angscht, sie bricht sich was oder liggt ball mit eme Kreuzbandriß uff de Orthopädie im Städtische. Do schafft se nämlich, d‘ Mama. Un als Krankeschwester kriegt se halt viel mit. – Un d‘ Oma isch aa so e Spaßbrems. „Laßt bloß des Kind dahoim“, keift se los. „Des isch nämlich gar net so uug’fährlich, do in dem Wildpark! Do soll grad so en Pädophiler oder so en Spanner unnerwegs sei! Oder wie nennt ma des? Exhibitionischt“ – „Ja, was jetzt!“ De Vadder lasst sich net aus de Ruh bringe: „Davo hab i no nix g’heert, un i geh jo scho ewig mit meine Kumpels regelmäßig uff de KSC!“ – D‘ Mudder guggt erscht e bissel ratlos aus de Wäsch: „Jo, sie isch doch net allai, sie geht doch mit ihr’m Babba hie. Du malsch immer glei de Deufel an d‘ Wand!“ – „Wo hasch’n des jetzt widder uffg’schnappt?! In Dei’m komische G’sangsverei?!“ Vadder Lehmann schüttelt de Kopf.
D‘ Oma isch sichtlich entrüschtet: „Also, wenn d‘ a ma’s net glaabet, I heb des g’lese, schwarz uff weiß, grad vor korzem. Do isch wohl widder oiner aus em Zuchthaus ausgebroche: ‚De nackte Mann isch widder do!‘ Genauso isch’s in de BNN g’stanne!!!“
Danke liebe Petra, was füre erfrischende Gschicht. Ich bin jo e Fußball-Oma, freu mich,
wenne mit meim Enkel, der sich von seim Daschegeld e Dauerkart‘ für de KSC gekauft hat,
ausdausche kann. Mei letscher Besuch im KSC, ich glaub‘ des isch bstimmt übber dreißig Johr her
odder noch länger, binne mit meiner Schwiegermudder , do war se scho fascht 80, spaziere gange un sie hat gsagt, ich dät so gern mol
uff de KSC gehe. Do war grad e Heimspiel. Also simmer ans Kassehäusle, e Kart gekauft un sie war seelich! Sie hat als für die falsche
gepfiffe, habberer dann en Schubs gebbe, des sin net unsere un sie hat’s kabiert!
Wer do gspielt hat, des weiße nimmeh un de KSC hat gwonne! gwonne. Un d’Schwiegermudder hat Hurra gschriee!
Un was mer noch eifallt (immer wenn einer so Gschichtle gschreibt so wie du jetz, dann fallt mer was ei!. Ich hab e Ehepaar begleidet,
die habbe sich nach übber 35 Johr scheide lasse, weilse eifach net zammegebasst hen. So lang hen die gebraucht,
bisse des gmerkt habbe. Sie Theater, Kunscht, Museum un er – en KSC -Fan. Ich bin do therapeutisch tätig gwese., des war mein Beruf. Habben gfrogt, wasser sich am meischte mol von seiner Frau gwünscht hätt. „Dasse eimol mit mir uff de KSC geht“. Sie
war entrüschtet, “ so etwas kommt für mich nie in Frage“, das ist mir zu primitiv“. Ich habben bedauert, e kleine Geschte, so eifach,
er isch jo a brav immer mitere ins Theater gange, obwohl em des gar kei Freud‘ gmacht hat… Wenn jeder em annere sei Leideschafte
deilt, des kann doch net so schwer sei….
Schee, Dei Gschichtle, liewe Petra! Vielleichte sodde se dem naggiche
Kerle jetzt doch endlich emol e Trikot aziehe!
Hosch recht, Irmtraud…vielleicht grad jetzt, wu’s widder so kalt worre isch un’s s’April-Wedder sei’m Name alle Ehr‘ macht…vielleicht e Selwergschdrickts aus Woll‘ un in blau un weiß ? ’s wär jo bal gmacht…viel droa isch an demm Männl jo sowieso net !
In Philippsbursch steht jo seit langem a so e Art vun Männl in de Mitt‘ vum Philippus-Brunne am Keersche-Vorplatz owwedruff… ’s soll da heilisch Philippus sei !
Wie dess Figierle frisch gschdanne isch , hot mol eener vun de alde Männer beim Nuffgugge zum annere gmeent: „Saach emol, was henn’en die do fa e ehdärmlischs Ernschtl do owwenuff gschdellt ? !“