30. November 2020

S And vo der Spàss-Gsellschàft?

Edgar Zeidler

Kommentare

Läuten Seuchen, darunter die neuste von Coronaviren ausgelöste Pandemie, das Ende der Spaßgesellschaft ein? Signalisieren sie auch, dass Maßlosigkeit im Umgang mit der Natur und den Bodenschätzen nicht ungestraft bleiben kann?

S And vo der Spàss-Gsellschàft?

„Ich wìll Spàss, ich wìll Spàss!“, han se grüefe un gjohlt, d Nooch-68er un han sich mìt frèiem Sex un Droge schwìndlig àmüsiert. Boll druf sìn Konsumtampel wie Pìlz üs em Bode gschosse, d Igang vo de Städt mìt làrvige Ikauifshàlle un Rìeseparking züebetoniert worre, d Reisegsellschàfte han s Reisefiewer vo de Spàss-Generàtione gweckt un speeter mìt Lowcost-Gsellschàfte gànzi Màsse greizt, der Flieger ze namme, stàtt der umwaltfrìndlig Zug.
„Wàchstum, Wàchstum!“, han se gschroie, „Wàchstum schàfft Àrweitsplatz un Richtum!“ Wàchstum, d màgisch Formel vom Neoliberàlismus un der Globàlisierung!
Un se han sich igebìlde, àss ìhri Wìrtschàft ungstroft uf d Koschte vo der Nàtür ìns Unandlige witterscht wàchse kännt. Sìe han sich igebìlde, àss sìe ìhre Profithunger voll üslawe kännte uf Koschte vo der biologisch Vielfàlt. Un se han geglauibt, àss ìhre nèi Gott, die Technologie, àlli Problemer leese wurd, wo ìhri màßlos Gier verursàcht.
Der ìmmer greeser Wàssermàngel durich Klimawàndel un s waltwitte Üspompe vom Bodewàsser fer d ìndüschtriell Làndwìrtschàft (28/11/ ARTE, H2O, L’eau, la vie et nous) fiehrt jetz scho vielerorts zu Krieg un Verwieschtung. Dàs wartvolle Bodewàsser vergeude se dàto ìmmer meh fer d Üsbeutung vo de saltene Arde un Metàlle, wo unverzìchtbàr sìn fer d Bàtterie vo de Emissionsüfere e-Auto, unverzìchtbàr aui fer ìhri Smartphone, wo ìn ìhrem àlltaglige Lawe gràd so unverzìchtbàr worre sìn! Resültàt: bis ìn 10 Johr verbrücht d Manschheit 40% meh Wàsser, àss vorhànde ìsch!
„Spàss, Wàchstum!“, han se gebrielt, bis se heimgsüecht worre sìn, vo einer Pàndemie noh der ànder. D letscht han se Covid-19 getaift, wil da Virüs schon 2019 üsgebroche ìsch. Wie làng da noch e so heisst, weiss i nìt. I weiss nur, àss sitterhar e mütierti Form exischtiert, vom Hin-un Harhüpse vo Mansch uf Nerz un vo Nerz uf Mansch!
Uf jede Fàll froj i mi, äb dia Corona-Brieder s And vo der Spàss-Gsellschàft ilütte. Un glichzittig s And vom zügellose Kàpitàlismus, s And vom Neoliberàlismus? Vom Frèihàndel? Vo der Globàlisierung sogàr? Aui wenn ich jetz e pààr Laser schockier, ich düe’s schwar hoffe! Denn offebàr kommt der Mansch nìt vo sich üs zur Vernunft. Offebàr müess er zum Màßhàlte gezwunge ware, sèig’s dur e Kleinschtwase, won ar nìt emol seht mìt sine Dollàr- und Euroverblandete Glotzauige!
Mankmol schamm i mi, e Mansch ze sì, un war liewer e frèier Vogel, e Àdler, wo hoch ìwer de virüsverschiirte Välker ìm Hìmmel kreist. Ja, e edler Ààr, e Seeàdler ìwrem witte, blauie Ozeàn…

Glossar

Se han sich igebìlde, sie haben sich eingebildet
ungstroft, ungestraft
üslawe, ausleben
gschroie, geschrien
leese, lösen
Verwieschtung, Verwüstung
dàto, heutzutage
Hin-un Harhüpse, Hin- und Herspringen
Kleinschtwase, Kleinstwesen
ilütte, einläuten
mìt sine Dollàr- und Euroverblandete Glotzauige, mit seinen Dollar- und Euroverblendeten Glotzaugen
Mankmol schamm i mi, manchmal schäme ich mich
virüsverschiirte Välker, virusverscheuchte Völker

EZ
29/11/2020

 

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.