27. Oktober 2021

Reisefiewer

Edgar Zeidler

Kommentare

Reisefiewer

Der reiselustige Langstreckenflugfan muss wissen: Der sanitäre Pass immunisiert nicht gegen die Covid-Fallen an der Ankunft

Jetz wo s Covid-Fiewer àbnìmmt, pàckt d Frànzose s Reisefiewer. Ìn de Àllerheilige-Ferie stìrze se sich màssewiis ìn d Làngstrecke-Fliejer un verdrange àlli Umwalt-Bedanke. Witt soll’s geh, ìn exotischi Lander! S Gald han se jo scho zwei Johr, un notgedrunge, gspàrt. Un s Sauiwatter hät ne aui noch da Sommer verhunzt. Drum nix wie àb, uff d Ìnsel Maurice, ìn die Dominikànisch Repüblik, uff
d Martinique, d Guadeloupe, d Seychelle oder d Maldive! Un worum nìt mìt em erschte Direktflug sitter 1974 uff Sansibar? Sogàr Weschtàfrikà un d Sahara ware àgflojje, trotz Djihàdìschte, wo dert umenànder schiesse! Un jo Dubai nìt vergasse, mìt sinere Waltüsstellung, wo bis März 2022 düürt!
Air-France streckt wìdder ìweràl uff der Walt sini Fattig üss, mìt 182 Reiseziil. Cocorico! Allein Port-Louis uff der Ìnsel Maurice wurd 7 Mol ìn der Woch àgflojje. Un sogàr ìn Mascate, ìm süpernowle Sültànàt Oman, kàt der bessergstellt Frànzos 3 Mol ìn der Woch lànde!
Die Tourismuswalt ribt sich d Hand, denn wenn da Trend sich bstatige dat, kännt mer bis ànne 2022 uff e Àgebot komme, wo 90% vo dam ànne 2019 erreicht. Bombig!
Mìt dane Informàtione üss der L’Alsace vom 23.10.21 bìn i voller Vorfraid ìn e Reisebüro gwulkt un hà e vollgschmìkt Bibbela ìn züe ange Hose àgebàppelt.
Ich
– Bonjour Madam. Ich bìn sitter e Woch e „Moderna-Mansch“, hà miner Gsundheitspàss un mächtigt andlig wìdder emol verreise!
Bippela
– Bonjour Mösiö. Ja, fer dàs sìn mìr do. Wo ànne wotte n Ìhr garn?
– Andlig emol uff Thailànd. Dert soll’s so scheen sì un d Mansche viel natter àss do!
– Ja, dàs ìsch wohr. E güeti Idee! Ìhr mien àwer wìsse, àss Ìhr s Hotelbereich nìt verlosse derfe. Mìr nanne dàs ìn unserem Jargon „Sàndhüffe-Ferie“.
– Wàs, soll dàs e Wìtz sì? Ich hà mi ìmpfe lo, fer andlig wìdder frèi ze sì, un jetz schlàje Ìhr mìr e exotischi Stàllpflìcht vor? Dàs känne Ìhr vergasse! Nondebuckel! Noh büech i hàlt e Reis uff Bali!
– Güeti Idee, Mösiö. Bali ìsch jetz wìdder uff fer 19 Lander, aui fer s Frànkrich.
– Hoppla, àlso àb uff Bali! Ich reservier fer e Woch!
– Eins mien àwer wìsse! Die erschti 5 Daj mien ìn d Quarantaine geh un, glich àn der Àkunft, e Tourismus-Visa beàntràje. Un dàs kännt e Woch düüre, bis àss Ìhr’s bekomme.
– Jetz heert àwer bi mìr àller Gschpàss uff! Fer wàs bìn i gìmpft un wàs nutzt da Ìmpfpàss, wo fer gànz Europa gìltig ìsch?
– Ja, ich weiss. Àwer dia Ìnselstààte sìn hàlt ìwervorsìchtig. Hìtte weiss jo jeder, àss d Gìmpfti nìt ewig immün sìn un dia Krànket einewaj ìwertràje känne.
– Güet, wenn scho kè Ìnsel, dernoh hàlt e Kontinant. Reserviere mìr, ìn Gottsnàma, e Flug zu de Amibrieder.
– Kè Problem. Sìn Ìhr doppelt gìmpft?
– Wàs soll dia Froj? Nei, einmol hät bi mìr zum Glick glàngt, wil i ne vor eme Johr gedàppt hà un e Blüettescht noch zìmlig Àntikärwer vorgwìse hät. Doch worum verzähl i ni dà? Dàs geht Sìe eigentlig gàr nit à! Dàs ìsch Privàtsàch un käit unter d ärztlig Schweigepflicht, nondefütter!
– Ja, wil d USA un aui Canada e doppelti Ìmpfung verlange. Se losse nieme ìns Lànd, wo numme ein Dos hät.
– Jetz geht m’r làngsàm s Schwitzer Sàckmasser ìm Sàck uff!
– Züedam verlànge gwìssi US-Stààte vo de Doppeltgìmpfte noch e negativer ànti-Covid-Tescht owedruff.
– Wìsse n Ìhr wàs? Boll vergeht m’r jedi Reiseluscht. Jetz gìw i ni e letschti Chance. Wie steht’s mìt Cuba?
– Fer Bsüecher gschlosse.
– Auschtràlia?
– Züe!
– Nèi-Zeelànd?
– Aui züe!
– So, bravo Màmsell, Ìhr han mìr dia Sàch definitiv verleide. Min Reisefiewer brüch i mìt kem Thermometter meh masse!
– Jo, Mösiö, es gìtt doch noch gnüe Lander, won Ìhr ànneflieje känne. Ich hà do ìm Àgebot…
Vor äb s Tourismus-Büro-Bippela der Sàtz üssgproche ghà hät, bìn i schon ìm Auto gsasse un bìn àbgedüüst. Ich bìn m’r vorkomme wie sone Massdiener, wo vo sim sehr kàtholische Pfàrrer ìwer Àllerheilige zweimol gfickt worre n ìsch. Mìt em kleine Unterschid, àss der Pfàrrer e Ìmpfer ìsch un d kàtholisch Kìrich d Pharma-Ìndüschtrie!

Glossar

Làngstrecke-Fliejer, Langstreckenflugzeuge
àgflojje, angeflogen
gwulkt, gerannt
e vollgschmìkt Bibbela, eine vollgeschminkte Puppe
àgebàppelt, angequatscht
beàntràje, beantragen
ìwervorsìchtig, übervorsichtig
einewaj, trotzdem
glàngt, gereicht
gedàppt, getappt

EZ, 24/10/21

0 Kommentare