5. April 2023

OSCHTERHAAS‘

Buddy Hills

Kommentare

De Oschterhas‘ isch – mid Verlaub – än wilde Anarchist
Ä Schlabbohr aus echt alde Zeit un ned e mol än Chrischt.
Er hockt des ganze Joahr, wer weiß, in wellem Loch
Er wardet uf sei Helferle, Ihr Leit‘, er braucht’se doch!
Ä paar, die hänt scho ab’gsagt, ä paar wolle ned komme
S’isch zu frisch! Es reiert nur! D’Sonn scheint noch so verschwomme.
Ja, soller bis zum Sommer warde? Isch Oschtere ersdcht im Mai?
Gibt’s heit kei Oschtereierjage ? Nur Drückebergerei?
Herrgott isch des ä Jammertal, ruft’s Häsle aus sei’m Loch
Ob ebber helft oder au ned, am End‘ pinselter doch
die Eier. Bunt! Ward nur ! Bis alle ferdig sin
Un‘ G’schenke wie zu Weihnachte? Ha dess isch doch Klimbim.
Ma sagt als, rein nach Wisseschaft, de Oschterbrauch sei Klumps
Null zeitgemäss fier woke Mädle un nix fier coole Jungs.
De Psycho-Heini geht alleweil äm Häsle uf die Niere
Er ruft: Absurd! Un‘: Stop! Hört uf! De Has‘ zu myschtifiziere!
Was gebts heit bloß -sagt unser Has‘ – so uuhglaublich viel Kram
Ä Oschterei gilt au ned viel, weil es isch ned vegan
Un trotzdem schlagder sich gut durch. Mit seinere Frühlingskraft
Käu Religion! Philosophie! Ja ned‘mal ä Botschaft.
De Has‘, er lacht, und fragt: „Isch Oschtre bloß än Fake?
Doch immer gern: paar Feierdaag, mit Grill un Nackesteak!“
Und jetzt versteckter d’Eierlen, rennt kreiz und rennt au quer
Zum Schluß, vor sei’m Verschwindibus, , gibts noch än Eier Likeer.

1 Kommentar

  1. Angelika

    Hallo Buddy,

    ma soll also de Has net „myschtifiziere“….?

    Ja un was isch mit seinere „Frühlingskraft“ ? –

    Ha grad wege derre isch er doch was Bsunners : isch seit Johrhunnerde schun e Fruchtbarkeitssymbol, weil er oans vun de erschde Tiere isch, wu em Friehling Noochwuchs griegt…isch selwer arg fruchtbar…bis zu 20 Junge griegt e Häsin im Johr !

    I winsch Eich all in demm Sinn , dass’der sie schbiert, die Friehlingskraft, egal wie un wu, un noch dezu scheene Oschdern !