Oimol im Johr

Oimol im Johr, so isch des hald,
– un des gelt fer jung un alt, –
wird gfeiert, weil mer des so mag,
des isch dann der Geburtsdags-Dag.

Do gebts mol widder was zum Zeitverdreiwe,
wenn die Aschdrologe ihre Texde schreibe
iwwer die Tierkreis-Schdernzaiche fer alle Leit,
passend uf die Gebortsdagszeit.

Die zwelf Zaiche fer den ganze Johreslauf
henn se jetz schun zwaidausig Johr lang drauf.
Die Aschdronohme henn awwer feschhdgeschdeld,
dass sich des inzwische annerschder verheld.

Die Erdachsschräge isch jetz annerschder schräg.
Drum sinn die Sternkreiszaiche hald verrudschd uf ihrm Weg
im Johreslauf um unsere Erd, un mer muss se nei vermesse.
Des hen die Aschdrologe ganz vergesse.

Vun de Aschdrologie heersch net viel dezu.
Die lenn ihre Kunde erschd emol in Ruh.
Manche Ännerunge sin rechd krass,
des macht dann aa de Leit koin Schbass.

Hegschdens Leit, wo desZeig net glaawe,
kennde ihren Schbass droo hawe.
Des Kratzd dann a bei manche Leit
e bissle an de Eidelkeit.

Wenn oiner, wie mers efder sehd,
als schdolzer Löw durchs Lewe gehd,
dann ischer sicher ganz endsetzt,
wenn er jetzerd rickwerts krebst.

Dodevor mussde die Jungfau in Keischeid lewe,
Jetz kann se als Löw noch de Kenichswürd schdrewe.
Die Tierlen hen jetzt neie Plätz
awwer ebbes fehld noch jetz:

Fer zwelf Viecher hemmer dreizeh Plätz,
mer brauchd noch oins zu guder Ledchd.
Drum hod mer vellich uhschenierd
Den „Ophiuchus“ adoptierd.

OA0822

.

19. Dezember bis 20. Januar: Schütze
21. Januar bis 16. Februar: Steinbock
17. Februar bis 12. März: Wassermann
13. März bis 18. April: Fische
19. April bis 14. Mai: Widder
15. Mai. 21 Juni: Stier
22. Juni bis 20. Juli: Zwilling
21. Juli bis 10. August: Krebs
11. August bis 16. September: Löwe
17. September bis 31. Oktober: Jungfrau
1. November bis 23. November: Waage
25. November bis 29. November: Skorpion
13. Sternzeichen 30. November bis 18. Dezember:„Ophiuchus