Ölige Zeite

Mer sodd oifach koi Zeitung lese! Awwer ohne isch am Morge s’Friehstick so drugge – also bläddert mer halt doch widder drin rum. Un dann ischs schlagartig aus mit de Ruh! Jetzt heb ich e Lewe lang gmoint, uff de Insel vun de Glickselige zu wohne – in eme Land, in dem s’giftigschte Tier e falsche Schlang isch! Also so oine, wu ihr Gift verbal ausdoilt. Weil selle mit de richtige Giftzähn treffsch selte – wann schlängelt sich oim scho emol e Kreizodder üwwer de Weg? Also ich heb noch koine gsehe!

Un jetzt kommt do des Mischtviech agekraddelt – aus em Regionaldoil vun de BNN streckts sei Fühler direkt nach meim Honigweggle aus. Ja pfui Deifl! So schnell kannsch net gugge, wie ich den Deller uff d’Seit schieb! Ich gugg mer des Foto e bissle gnauer a: en dicker, fetter, schwarzer Käffer mit zwoi lange Fühler, die aussehe, wie wenn er schwarze Perle druff eigfäddelt hätt – vielleicht um sich harmloser zu gewwe, wie er isch? Ölkäffer hoißt der Kerle un von wege harmlos!!! Mit dem Gift aus oim oinzige Krabbelviech kannsch e gstandenes Mannsbild meuchle!

Wenn er Angscht kriegt, schwitzt er sei öligs Gift aus de Kniekehle – in kloine, schwarze Trepflen. Un des bringt me in Wallung. Wenn ich nämlich jetzt en Salat aus em Garte hol – ja wie kannsch en wisse, ob de dabbich Käffer net gnau uff dene Blädder Angscht kriegt hat? Un wenn ich die Blädder jetzt fünfmol wäsch, dann sen se labbeduddlich noch bevor se üwwerhaupt e Salatsoß gsehe hen. Un wenne jedes Dipfele uff dene Blädder wegschneide tu, dann brauche drei Salatköpf für e Dellerle Beilagesalat! Also ehrlich: zum erschte Mol den mir d’Vegatarier von Herze loid, weil ob die jetzt noch so richtig gsund lewe, do kannsch Zweifl kriege.

Awwer ebbes anneres geht mer bei dere Sach au noch durch de Kopf: ich muss an unsern Globus denke! So wie de Käffer sei giftigs Öl durch’d Kniekehle schwitzt, so schwitzt unser Globus seine letschte Ölreserve aus de Bohrlöcher. Un au sell Öl isch  Gift! Gift fer d’Umwelt un Gift fer d’Mensche, die’s fertig bringe, deshalb Krieg zu führe. Manchmol zoigt sich im Kloine gnau des, was im Große bassiert. Do kannsch den elende Käffer glatt als Mahner begreife.

Wenne awwer im Blick uffs Große koi Lösung finn, dann gugge halt liewwer uff mei kloine Welt – in dem Fall in mei Küch! Vielleicht sodd mer oifach widder e bissle ugsünder koche: uffeme Schnitzel finn’sch garandiert koin Ölkäffer!