Novemberblüde

Gfühlt (uff de Haut) isch de goldene Oktober net vorbei. S’ruhige Hochdruckwetter lad zu eme Herbschtpaziergang ei. Also nix wie naus un die wärmend Novembersonn begrieße un bei ere Paus uff sellere Bank den scheene Ausblick genieße. Sich uff em Hoimweg ruich do un dort nochemol bücke un Ofang November noch en bunte Feldblumestrauß pflücke!

Des nasskalte Wetter un die typische Newwelschwade lasse – uns z’lieb – desjohr länger wie sonscht uff sich waade. Wo’d noguggsch siehsch d’Leit noch korzärmlich rumlaafe. Am liebschte däd ma sich en Bolle Eis in de Waffel kaafe odder sich uff eme Südbalkon e sorgevertreibends Sonnebad genne un mit zuene Auge d‘Farwe von eme Herbschtstrauß nenne.

Du mechtsch so e Hannvoll Spätblüher in ere scheene Vas steh seh? Dann musch am Sunndichmorge in de Gottesdienscht geh! Was grad noch uff em Feld odder im Garde gwachse war, steht nämlich in de Kerch als Blumeschmuck uff em Altar. Un s’kann sogar sei, dass newwer dem, was’d gern siehsch, a bei dem, was’d hörsch, in deim Innere uffbliehsch…