21. November 2021

Nommol November

Otto Arnold

Kommentare

Nommol November

Manches finne net so gud,
was mer so mitkriege duhd.
Un im November hod sich hald,
des Johr die Maläs zsammegeballd.

Do will e me a ned mid quähle,
des alles jetz do ufzuzähle.
Mein Vadder hod des leichder gnumme
un isch zu der Erkenndnis kumme:

Es isch net alles immer so schlechd,
wie mer des grad mol moine mechd.
Drum hewwe jetzd mol iwwerlegd,
Ob me was Possidiefes erregd.

Mid em schlimme November fange mol oh,
weil er a was Gudes vorweise koh.
I find des schee, ganz ohne Frage,
er hod werkle blos dreissig Tage.

Wenn oim so Kloinichkaide lange,
dann isch mer um sei Gmiehd net bang.
I such net weider, s langd mer jetze.
I miesds sunschd a in Roim no setze.

Den November misse mer nemme wie er isch, ganz klor,
mer kriege koin annere meh in dem Johr.

OA1121

0 Kommentare