15. März 2021

Netzbrànd

Edgar Zeidler

Kommentare

Der Brand bei OVHcloud, einem großen Data Center in Strasbourg, offenbart wieder einmal unsere digitale Abhängigkeit sowie unsere schier unstillbare Gier nach Datensammlung aller Art, koste es was es wolle.

Netzbrànd

So jetz ìsch wìdder ebbis pàssiert, wo niemols hatt sotte vorkomme: e Data Center, OVHcloud, mìt Millione Kunde waltwitt, ìsch ìn der Nàcht vom Zischtig uff der Mìttwoch 10. März ìn Strosburg àbgebrannt. D Konsequanze känne sich sah lo: gschätzti 3,5 Millione Internet-Stàndorte sèige betroffe, zwìsche 12.000 un 15.000 Unternamme ìn ìhrem Funktioniere stàrk behìndert oder kàltgstellt.
S Fiir hät s Hauiptgebäi SBG2 totàl àbgfàckelt, e Metàllgrìscht vo 5 Stockwarik un 500 m2 Bodefläche, un hät noch e Nawegebäi, SBG1, stàrk bschadigt. D Läschàrwete han 6 Stund gedüürt un e Unmenge Rhiwàsser verbrücht.
D betroffene Unternamme sìn witt verstrait:  ìn der Türkèi, ìn Pole, nàtirlig ìm Frànkrich un ìm Elsàss. Der Centre Pompidou z‘ Pàris hät’s erwìscht, gnaui so wie d Europäisch Volkshochschüel ìn Strosburg (UPE), wo s Verwàltungsprogramm bi OVHcloud gstockiert hät un jetz kè Züegàng meh hät zu de 400 Kurse vom Farnunterrìcht. Aui d Volkshochschüel vo Mìlhüse ìsch sitter àm Frittig blockiert gsì.
Mer müess ìmmer wìdder nèi stüne, wie der Mansch sich ìmmer meh von der digitàl Technologie àbhangig màcht. Do derzüe zählt s Stockiere vo wìchtige Dàte ìme riesige, vielmol witt entfarnte Data Center. Züedam ìsch d Walt vo dana Data Center zìmlig gheimnisvoll. So weiss z.B. nieme gnaui, wie viel àss es ìm Elsàss gìtt. Uff jede Fàll wenniger àss ìm der Gegend vo Lyon (ìn de 20) oder Pàris (meh àss 100) Da Zàhledunscht erklärt si villicht, wil e Hüffe Dàte gheim un heikel sìn, wie dia vo de Bànke oder vom Gsundheitswase.
Doch wàs ìsch eigentlig e Data Center? E physischer, reeller Ort, wo Dàte, digitàli Dienschte un verschìdeni Àwandunge (Apps) vo Unternamme oder Privàtparsone glàgert ware. Eigentlig pràktisch, denn eso brücht nìt jeder sini eigeni Server bsìtze fer sini Ìnhàlt jede Dàj, rund um die Ühr, ìns Netz ze stelle. Dia Dàte solle ìm Prìnzip gschìtzt sì vor Ìwerschwammunge, Piràte un Hacker, un nàtirlig vor Bràndgfohr… Wie gsajt, ìm Prìnzip!
Un dia Sàch hät noch e àndere Hoke: dia Data Center sìn fer d Umwalt wìrklig kè große Gwìnn. Erschtens frasse se schrecklig viel Strom, aui wil se standig mien àbgekiehlt ware. Zweitens wurd waltwitt àn viele Ort standig meh Hìtz prodüziert, wil àllewil àndri, greeseri Data Center wie Pìlz üss em Bode schiesse. So han se, dànk unsere frenetische digitàle Àktivitäte, e greesere Àteil àm waltwitte CO2 Üsstoß àss der Flugverkehr oder der Autoverkehr, un leischte e „süfere“ Bitràg àn der Arderwärmung!
Doch wer wìll hìtte uff dia wunderbàr Technologie verzìchte un vo hìtt uff morn kè Mail, kè Video oder Foto meh verschìcke? Oder nìm stundelàng ìm Internet erumsurfe oder Netflix-Film àglotze? Wer dat frèiwillig uff dia àlli Videospìeler verzìchte, wo d Covid-Stàllpflìcht un d Üssgàngssperre e bìtzi versiesse? Well Unternamme känntigt vo eim Dàj uff der ànder ohne digitàli Technik üsskomme? Nìt üsszedanke, wàs fer soziàli Konsequanze sone Ischnìtt hattigt, wenn z.B. Millione Hacker un Piràte plätzlig àrweitslos ware oder kè Wàhle meh manipülert kännte ware?

Glossar
sèige betroffe, seien betroffen
Metàllgrìscht, Metallgerüst
Läschàrwete, Löscharbeiten
stüne, staunen
àllewil, immer
Covid-Stàllpflìcht, lock down
Üssgàngssperre, Ausgangssperren
nìt üsszedanke, nicht auszudenken
sone Ischnìtt, ein solcher Einschnitt

EZ
14.03.2021

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.