Servus zu de Geeeeeelfiesler,
isch bin än eschde Schiwwerstadder unn grieß eisch gaaans herzlisch. Ihr varschdeen doch än schbass, oddernedt? Ewe hawisch än Schbass gmacht unn schunn fliegt ma des awwer gewaldisch um die Ohre. Isch kon misch jo jetzert nimmi iwwer de Roi draue. Herrschaftgewidderfeiernochämol. Mei Babbelgosch schdehd nimmie schdill. Schäääänes Wocheend Ihr vunn do driwwe. Seid mer ned bees isch binn hald än Pälser Bastard mid äner gaanz loosi Gosch.
Alla hopp isch geh jetzert schloofe sunschd wärd isch nimmie ähnisch. Servus aus Schiwwerstadd!
26. Februar 2022
Neies aus de Pals
Pablo Riera
Kommentare
Gud Nacht Schiwwerstadt 🙂
Isch des schee, lieber Pablo, dass debei bisch.Mir Dichterzusamme aus de Palz
un mir von de badische Gutsele – ha wenn des net e glungene Mischung isch.
Allene in nah un fern en sonnige Sonndag un übberhaupt…..
Mer soll jo de Horidsont erweitere; isch fräh misch ach, dass isch misch do ausdrügge konn, soo wie mer de Schnawwel gewachsen iss. Ähn liewe Donk an Disch, Judith unn an de liewe Thomas Heitlinger, der wu heit unn morsche sisch um den gonse digitdale Krembel kimmert. Ähn schäääääne Sunndach oan die gans Baggaaasch. Alles Gude eier Bastard aus Schiwwerstadt
Hallo Pablo,
Du mänsch, dass’d do bei uns uff Leit driffsch, wu all schbroochbegabt sin un Du Disch als schbonischer Pälzer (vum Noame her ?) verschdanne fiehle kannsch…?
Zwäschbroochisch sin mir Mundartler schunemol all mitnanner, kenne Hochdeitsch un Dialekt un meischdens nit bloß äner…
Un obwohl ich misch iwwahaupt noch nie als „Geeeeeelfießlern“ gseh hab (Jesses Gott, haww isch Disch rischdisch widdergewwe…mit 6 e dodrin ? Do wärd mer jo dabbisch vum Hiegugge un Abzähle !) un a nit aagschbroche fiehl, winsch i’der noch en gude Daach aus de Nochberschaft vun iwwa’m Rhoi do iwwe…aus Philppsbursch, wu ma jo a kurpälzisch schwätzt. Saach mol, hosch Du dess gwisst ghat ?
Ach, wie schee, mir kenne uns doch! Do guck, noch oiner vom annere Ufer hat zu uns g’funne! En Pälzer aus Schiwwerstadt! Gelb sin die Fies, aber grün unser G’mies! Willkomme im badische Ländle!
Seeeervus Angelika, näääh des hawisch net gewisst. Ähn schääähne Gruß mit 3 ä 😊.
De Bastard aus Schiwwerstadt
Des mit dem Griezeig gfallt ma, Petra!
Eisch ä subberdubber guudie Woch!!!