Die Memoare, wo mer schreibe kennt,
wenn mer sich die Zeit mol nemmt,
die gebte schun e dickes Buch.
Drum mach e net mol en Versuch.
Weil: i heb mer iwwerlegt,
was des dann fer e Schwarte gäbt,
wenn i mol driwer schreiwe dät,
ganz in aller Ehrlichkeit,
zrick bis in die Kinnerzeit,
trotz allem, was so war,
in dene viele lange Jahr,
un was i alles net gmacht heb.
So oder so, solang i leb
duh i schun manches, ohne Frag,
doch viel a net, weil ihs net mag.
Un um des fer alle Zeite
net uhnetich zu verbreite,
wer i des Buch halt doch net schreiwe,
un so ohne Memoare bleiwe.

OA 0917