Ma soll’s net glaawe…
– Zum Schdellewert vum Dialekt em Mail-Verkehr –
Ma soll’s net glaawe, was’mer vorgeschdern bassiert isch mit mein’re Mail…hab an unser Dochder mein Allerseele-Tekscht (vum 1. Nov.) als Oahang gschickt mi’m “Betreff: Grieß’ von dehoam…” , hab uff e horddiche Antwort ghofft…awwa nix isch kumme…
Heit schreibt si’mer z’rick: “Dankschee fa d’ Gschicht !” awwa sie wär im “Spam-Ordner” glandt gwest und dass si si dort erscht heit zufällich entdeckt hedd…
“Spam” , dess isch “E-Mail Müll”, haißt’s em Internet, “unverlangter, massenhafter Versand von Werbe-Mails”…
Jesses Gott, jetzt henn die doch im Netz mei “Grieß’ vun dehoam…” als uverlangdi Werwung fa e Leewensmiddl bedracht !
Mein Mann lacht beim Lese un moant noch dezu: “Grieß vun dehoam – Welschkorn kummt noch…” – ob i denn Schbruch net kenne ded ???
Oh je, do hedd i doch uff die foiner klingende “Grüß’ ” ausweiche solle…odda ???
0 Kommentare