29. April 2023

Leo rennt

Buddy Hills

Kommentare

Mann, was isch’er g’rennt! Ned fortg’rennt, sondern aus Sport g’rennt. Bei de erschte Strecklen hän noch die Lunge gebrennt. Wie g’stoche! Abber er wurd‘ immer fitter, im Lauf von de Woche‘. Leo gegge de Rescht der Welt! Fühlt sich voll uf sich selbscht g’stellt. Denn s’äunzigschte was dich trägt, des sin‘ die Füß‘. Leide isch süß! Sonscht dääder jo än Gang nunner schalde. Näu! De Leo rennt! Und niemals anhalde! Beim Ausdauerrenne‘ braucht’ma wirklich viel Kraft, damit ma‘ im Endspurt au de Rescht noch schafft. Und er hält im Training so schee die Bescht-Zeit! Desdeweege ischer au fier d‘Meischterschaft soweit. Fiers erschte, än halbe Maraton, abber innere fremde Stadt. Was hadder trainiert! Wie warer oft platt. Do wurd’ de Leo abber au en Mineralie-Drink Säufer, und Monat um Monat: mehr Maratonläufer. Des häusst: Einsamkeit. Des häußt: im Rhythmus bleibe. Die Leit am Strasserand duhn dich treibe. Mit Klatsche! Und Rufe: „Leo komm‘ in die Hufe!“ Und sie juble und winke. Anfänger Leo liegt halt ziemlich weit hinte. Plötzlich gebbt ihm ebber so ä Trinkflasch‘ und wünscht: „Leo viel Glück!“ De Leo schluggt, gebbt s‘Fläschle ned z’rück. Abber bald merkter immer stärker, wie die Kräfte komme‘. Hatter mit demm Drink ebbes zu sich genomme? Er g’winnt beim Übberhole jedes Duell. Er kann nimmer recht denke, aber rennt so sauschnell. Er! De Anfänger, de Amateuer! Die Profis renne plötzlich hinner ihm her. Und dann erreichter die einsame Spitze‘position! Käuner rennt mehr vor ihm, er rennt allene davoon. Was war – Mama mia – bloß in demm Drink drin? Fallt des ned unter…O Gott! Unter Doping? Die Flasch‘ hälter noch in de Händ, un trinkt‘ se g‘schwind leer. Er kann sich nimmer erinnere, wo kam die Flasch her? Er hört au übberhaupt käu Zuschauer mehr. Es rennt au niemand mehr hinner ihm her. Isch er so hammermässig, Fuchsdeiwel schnell? Do setzts Hirn widder ei ! S‘ Denke wird hell. Die Wahrheit kommt deutlich. Do stoppter un brüllt. Weil, er erinnert sich an des Sackgasse Schild! Er merkt in Verbindung mit ‘em riesige, Schreck: er isch übberhaupt nimmer uf de Rennstreck‘! Er hat sich ned verloffe. Näu! Er hat sich verrennt! Irgendwo hatter ä Abbiegung verpennt! Hockt jetzat do wie Häufle Elend! Und warum ischer vom Weg abgekomme? Ha! Er hat von mir des Fäschle ang’nomme! Und ich dampf‘ jetzat äufach uf mei’m Mofa ab. Mehr will ich will ned verrate und halt besser mei Lapp.

5 Kommentare

  1. Angelika

    Hey, Buddy,
    dess isch jo e Gedicht…
    Warum hosch’s net als so oans dargschdellt ?
    ’s reimt sich uff de ganze Streck !

  2. Hartmut Fillhardt

    Hee, Angehliga.
    Des machdmer jedds so, ich fing des offd … des nännd sich boschdmodärni Lührig. Wass mir bimm Buddy sinnem Schdiel awwer usserdemm uffallt, dassdo Schbuhre funn James Joyce russklinge. Viellicht hedder jo öh schunne Mohl in Dublin g’sunge …

  3. Angelika

    Dankschee, Hartmut fa die Erklärung vun de „poschdmodärne Lyrik „….widder ebbes dezuglernt ! Hab dess no nie gheert odder so gseh…bin halt a schun iwwer 70 un dscheck so Sache nimmeh so sunscht irgendwu, isch’mer jetzt zum erschde Mol do im Blog uffgfalle…
    Ja, seller „James Joyce“, wu „Ulysses“ gschriwwe ghat hot ? Hm… vielleicht ?
    Ow’er schun in Dublin gsunge hot, misst ma de Buddy halt selwer frooge…

  4. Buddy Hills

    Im Dubliner häb ich scho g’sunge. Abber des isch ä Pub in Offeburg g’wäse. De James Joyse hod do noch än Deggel stehe, glaab ich.

  5. Hartmut Fillhardt

    Ha! Hanni doch räächd g’sähn. Tja, d’Wäld isch glähn, vor allem in Offeburri, un firre Pub währ de Ulysses sowieso zu lang, also besser ä Deggl als gar nix. Un solang de Buddy sinner Schdiehl widderschfierd, geh’n d’Badische sowieso nidd innger.