Koschterechnunge
Neilich habbe in de Zeitung en Artikel glese, wo’s um die
Erhöhung von de Hundeschteuer gange isch. Ain Euro
meh’ pro Hund un Monat däte’m Schdadtsäckel noch-
emol hunnertdausend Euro im Johr bringe. Ain Euro isch
zwar moderat un bschtimmt net zu viel verlangt, abber
jetzt emol ehrlich: Viele alte Leut, die allai lebe, nur noch
ihr Hundle habbe un dezu noch mitere schmale Rente
auskomme müsse, grad denne sollt mer doch die Hunde-
schteuer komplett erlasse, anschtatt se nuffzusetze. Isch
unser Karlsruh’ wirklich so arm, dass die Hundeschteuer
nochemol erhöht werre muss?
Do musse an en annerer Artikel denke, do isch’s um e
Verlängerung von de Durlacher Turmbergbahn gange.
Un do wäre sogar Koschte in Millionehöhe fällig worre.
Im November will de Gemeindrat übber die Erhöhung
von de Hundeschteuer diskutiere, weil “die finanziellen
Perspektiven der Stadt düster sind”.
Natürlich sin dann die finanzielle Perschpektive düschter,
wenn die Millione für selle Turmbergbahnverlängerung
bezahlt werre müsse.
Uff de aine Seit e “läppische Hundeschteuererhöhung”
von aim Euro un uff de annere Seit Millionekoschte für e
Turmbergbahnverlängerung, die kainer habbe will.
…. wie des zusammepasse soll, muss mer erscht emol
jemand verklickere