12. Dezember 2021

Impfe, impfe, ball au kloine Pimpfe?

Petra Rieger-Bühler

Kommentare

1G – 2G – 3G!

E Plus duht manchmol dabei steh.

 

Mit dem Kod in de Hand, nai, net seller vom Hund,

kommt ma überall hie, weil ma moint, me wär g’sund.

Un todal maskiert, mit de Fellmütz gepluschtert

werd d‘ Nachbarin dort in de Schlang glei gebuschtert.

Me werd kontrolliert jetzt aa in de Bahn,

bloß henn die statt Fahrkart Corona im Plan.

 

1G – 2G – 3G!

Wann duht des endlich vorbei geh? (!!!)

 

So langsam werr ich hysterisch, traurich,

die Aussichte, die sin gar schaurich!

Ob Variation oder Variande,

des Drecksvirus do hat zig Mutande!

Un warum heißt des neue net Omega,

obwohl’s de Nachfolger vom Delta war?!

 

1G – 2G – 3G!

Ich überleg ma, ob ich do nei geh!

 

Un wenn D‘ Pech hasch, wolle se aa noch en Tescht,

ai Gefummel, Gemach korz vor em Fescht(!)

Ich bleib dehoim un igel mi ei,

telefoniere un maile soll ug’fährlich sei –

in de Glotze, do grinst ma Corona entgege,

des Impfe soll sei de oinzige Sege! (???!!!)

 

Ai G, zwoi G, drei G!

E bissel Schiß vor rer Nebewirkung

duh i mer eig’steh. (???)

 

Ha jo, in Gott’s Name,

des muss ma halt eiseh.

Weil sonscht ohne Piekser uff de Stell

ganz b’stimmt, vielleicht un eventuell

net bloß ich krank werr

un schlimmschtefalls eigeh …

 

1 Kommentar

  1. Thomas Heitlinger

    🙂