Ich mag alles
ich mag die Sonn‘
wie heißt’s
Wende dein Gesicht der Sonne zu
dann fallen die Schatten hinter dich
Ich mag alles
ich mag de Rege
der bringt Sege
ich mag Gwitter
des reinigt net nur die Luft
ich mag de Nebel
der heißt rückwärts glese Lebe
ich mag de Wind,
der blost der alle schwere Gedanke
ausem Kopf
ich mag de Schnee
wenner in de Sonn‘ glitzert
ich mag die Kälte
wohl dem der en warme Ofe hat
ich mag die Hitz‘
un wenn die Sonn‘ noch so bizzelt
do wird mers warm ums Herz
Gottseidank kann de Mensch
des noch net bstimme un neipfusche
Ich mag eifach alles….
Des isch e gute Lebenseistellung, liebe Judith! Die Dinge nemme, wie se komme un allem ebbes Posidives abgewinnen!
Ja, des find ich au. Jedes Wedder un jede Jahreszeit hat sei Vorteile, solang’s net ins Extreme geht.
Dein ledschde Satz erinnert me an die Gschicht vum „Bauer als Wettermacher“, wu mi’m Hergott seim Weddermaches net zufridde isch un selwer mol Weddermacher sei wollt….Er hot’s derfe, awwer sei Ernte isch trotzdem a net gut ausgfalle ….warum ? Er hot vergesse ghat, de Wind wehe zu losse !
Awwer wann net de Mensch neipfusche dud, dann glaab i do heit, dass viel Leit de KI do blindlings vertraue dede un’s „Neipfusche“ uff jeden Fall dere zudraue dede…