Hippokrates

Dass ein Arzt unter der Garantie des Respekts seiner Anonymität öffentlich seinen Amtseid bricht, wurde neulich in der Zeitung nicht einmal als Randnotiz vermerkt

Àm 13.8. berìchtet d Zittung L’Alsace ìwer e Dokter, wo sini Identität gheim wìll bhàlte, àss er àb em 6. Septamber numme noch d gìmpfti Pàtiante ìn sinere Pràxis uffnìmmt. D Zittung, wo gweenlig kè anonymi Brief oder Àrtikel pübliziert, màcht do e Üssnàhm. Sonderbàri Üssnàhm, fer ìme „üssgepumpte“ Dokter, wie ar sich salbscht bezeichnet, fàscht e hàlwi Sitt ze wìdme, ohne druff uffmerksàm ze màche, àss ar mìt dare Entscheidung der Eid vom Hippocrate1 brìcht, wo der Ràmme vo der Deontologie vo de Dokter definiert, àwer kè jurischtischi Verpflìchtung ìsch. Ìn dam Àmtseid versprìcht un schweert der kìnftig Dokter, àss er àlli Persone reschpektiere wurd, ìhri Salbschtstandigkeit un ìhre Wìlle, ohne jedi Diskriminierung, wàs ìhre Züestànd oder ìhri Ìwerzigunge àbelàngt.
Da Dokter, wo’s nìmm erwàrte kàt, „sin Schìld àbzehanke“, fiehrt àlso e Diskriminierung i, wo der Hippocrate àls Schàndtàt bezeichne dat un sich wohrschins  sitterhar ìm Gràb erumgedrahjt hät. Perseenlig dat ich ìn dam „miede“ Dokter rote, sini eige Gsundheit ze schone, ìndam àss ar numme noch gsundi Pàtiante ìn sinere Pràxis uffnìmmt…
Àm 17.8. berìchtet d L’Alsace ìwer e vorlaifigi àmerikànischi Studie, wo ìm Bundesstààt Minnesota durichgfiehrt worre ìsch. 50.000 Parsone, e Hälfte gìmpft, d àndri Hälfte nìt. Resültàt: Moderna dat 76% vo de Litt schìtze gejje s Risiko vo der Delta Vàriànte infiziert ze ware, gejje numme 42%, wenn se mìt em Pfizer-BioNtech gìmpft sìn. Un àm 20.8. erwähnt d Zittung e Berìcht vom israelische Gsundheitsministerium, wo ischätz, àss Pfizer numme noch 16% Wìrkung hät uff dia, wo ìm Janner 2021 gìmpft worre sìn. Israël, mìt sine 58% mehrheitlig mìt Pfizer Doppeltgìmpfti, hät sitter Ands Jüli e drìtti Sprìtz fer d Bevölkerung àb 40 Johr igfiehrt, un dàs obwohl dia Ìmpfstoff vorlaifig fer 2 Dose züeglosse sìn. Ìsch dàs jetz Pànikìmpfung oder wìssenschàftlig vernìnftig?
Dia frìschi Zàhle ware dam „Dokter“ villicht süür uffstoße. Ich dat em rote, sin Schìld (Foto) àbem 6.9. noch emol ze andre un numme noch Moderna-Gìmpfti bi sich uffzenamme. So wurd ar sìcher nìt ìwerrant ware, wil jo küm 10% vo de Frànzose mìtem Moderna gìmpft sìn.
Blibt ze hoffe, àss dia Studie vo Mayo Clinic, wo àm 9.8. uff MedRxiv vorveräffentligt worre ìsch un Le Monde erwähnt, nìt vo Moderna finànziert worre ìsch… Un wàs e britischi Studie àbelàngt, wo offebàr zeigt, àss AstraZeneca länger àss Pfizer-BioNtech gejje die Delta-Vàriante wìrkt, vermüet i emol, àss do derhìnter kè Ìmpfpàtriotismus stackt…

EZ, 22/08/21

1 Eid des Hippokrates (Auszug)
Neue Fassung durch « l’Ordre des médecins » 2012.

“Im Begriff meinen Beruf als Arzt auszuüben, verspreche und schwöre ich, den Gesetzen der Ehre und Rechtschaffenheit treu zu sein.
Meine erste Sorge gilt der Wiederherstellung, Bewahrung und Förderung der Gesundheit in allen ihren physischen und mentalen, individuellen und gesellschaftlichen Elementen.
Ich werde alle Personen, ihre Selbstständigkeit und ihren Willen respektieren, ohne jegliche Diskriminierung, was ihren Gesundheitszustand oder ihre Überzeugungen betrifft.“ (…)

Glossar

schweere, schwören
Ìwerzigunge, Überzeugungen
süür uffstoße, sauer aufstoßen
ìwerrant ware, überrennt werden