Highlights am Morge
Des erschte Highlight, wie soll’s a annerscht sei, isch immer de
erschte Schluck Kaffee noch vorem frühschtücke. Schwarz un
heiß musser sei, wie bei dem Knaller-Weschtern
“Spiel mir das Lied vom Tod”, wo de Outlaw Cheyenne bei de Claudia Cardinale
uffgetaucht isch un gfrogt hat:
“Isch de Kaffee fertig?”
Des annere Highlight nachem frühschücke isch en großer Löffel
mit Honig. Net schwarz un a net heiß, abber zuckersüß.
Des dritte Highlight isch zwar selte, defür abber umso scheener:
De Wellerman !
Des isch en Sea Shanty Song un des absolute Lieblingslied von
meinere Fraa un mir. Wenn des ausem Radio kommt, singe mer
de Refrain so laut mit, dass mer’s bis naus uff d’Schtroß hört:
Soon may the Wellerman come
To bring us sugar and tea and rum
One day, when the tonguin’ is done
We’ll take our leave and go
…. eigentlich merkwürdig, solche banale Sache als Highlight zu
bezeichne, früher wär doch sowas net emol de Red’ wert gwese.
Ich glaab, des hängt mitem Alter zusamme, immerhin sin mer jo
scho uffem “Highway to Ninety”.
Hallo Jürgen,
bin zwar erscht uff’em „Highway to Eighty“ un kenn a den Shanty-Song leider net,
awwer kann’der noochfiehle, wie verdichtet die Zeit isch in so Momendlen
Un waisch, was jetzt noch so eigeardich isch ?
Dass Du un de Andreas Kohm (s. nägschde Beidrag), dass Ihr zwai ganz ähnliche
Gfiehle ghat hedd – jetzt so am End vum Auguscht – un die fascht gleichzaidisch
do in de Blog bringe gmisst hedd… odder ?