En knallich heiße Summerdäg
Sollt mer s´ Esse de Situation orbasse.
Nix mit koche dehorm. Koi Spätzle, Schnitzl un Soß.
Oder Eierkuche mit Spinat. Oder gar Dompfnudle mit Grumbeeresupp.
S´ isch oifach viel zu heiß for so ebbes.
Ab em Sunndag gibt’s also als praktisch-alternatives Heißwetter-Esse:
Worschtsalat mit Grumbeeresalat un Brout.
Mondags gibt’s des gleiche nochemol, weil ebbes iwwerich war.
Fascht schmeckt der do noch e bissl besser wie em erschte Dag.
Weil de Worschtsalat nohd erscht so richtich schee durchgezoche isch.
Em Dienschdag – s´hot sowieso immer noch mehr wie 35 Grad –
Gibt´s de Rescht vum reschtliche Worschsalat
Zomme mit dem letztschte Rescht vum Grumbeeresalat. Uhne Brout.
Em Mittwoch werd e neie grouße Schüssl Worschtsalat gmacht.
Dezu Grumbeeresalat – frisch eigekaaft – un frischs Brout.
Dunnerschdag: Grumeeresalat mit Brout un Worschtsalat.
Em Freidag: Brout mit Grumbeeresalat (Rescht) un Worschtsalat (Rescht).
Somstags un Sunndags: S´gleiche widder, mit frischem Worschtsalat.
Was willsch en derre Bruthitz ä onners esse?
Ebbes warms vielleicht? Her uf, do lieft der doch noch mehner die Brieh.
Mondags: Blut nemme bei de Routine-Blutkontroll beim Hausarzt.
Dienschdags: En Oruf vum Doktor.
Moi Choleschterin wär uglaublich hoch, segt der.
Un korz vorere Gicht wäri a noch.
Ob ich vielleicht wüsst, wu des herkummt?
Sag mol, isch der de Doktor – oder ich?!
Wuher sollen ich des wisse?!
Wann de Froogesatz vum Dogder net de ledscht gwest isch in Dei Richdung, seid’er en Augeblick schbeder beim Esse un dann musch Du bloß noch „Worschtsalat un gekaafde Grumbieresalat “ sage un halt a demm sei Sort un d’Marke , weil do gibts nemlich choleschderinhaldichere un wennicher coleschderinhaldiche !
„Alla, un dann fa’d negschd Woch- soll jo weider haiß sei – den mit dem wennicher kaafe un in de Worschtsalat wennicher Worscht un dodefor mehna Gmies neiduh: net bloß Essichgurke, a Tomaade un Mais un braune Bohne un viel Zwiwwlring…“ wärd’er sage, Dein Dogder , wann er selwer a bei de Hitz Grumbieresalat un Worschtsalat gärn isst…..
Ah ja, un vielleicht koi Bier un dodefor schdills Wasser dezu dringge ! „
Also, ich dät emol grüner Salat vorschlage, oder welcher mit Tomate oder Gurke. Bei dem heiße Wetter hat ma jo audomatisch weniger Hunger. Un viel Obscht. Oder Eis? Aber do isch halt au Zucker un was Sahniges drin. (???) Un wenn Du des alles gesse hättsch, denn hätt’s halt kei so scheen’s Gedichtle gebbe.