Gott hat den Esel gmachd un dann erklärd,
dass er schaffe misd vun frieh bis schbähd,
zu Fresse gäbts blos Gras, isch klar.
Er sei dumm und werd fufzich Johr.
De Esel moint, des wär zu viel,
un dass er blos dreissich Jährlen will.
So wars dann aa.

Nord machd er dann de Hund un meind:
du wersch fer die Leit wache un bisch ihrn Freind,
was die iwwerich lasse, kriegsch du zu fresse,
mid fimfezwanzich Johr isch des bemesse.
Fimfezwanzisch  Johr fer den Hund so zu lewe?
Do mecht er liewer blohs zeh Johr erschdrewe.
Un so wars dann aa.

Die Affe war er dann am mache,
un dozu moind er ohne lache:
zwanzich Johr sollsch du in de Beem rumhopse
un bleed duh, dass de d Leit ohglotze.
Zwanzich Johr als Klaun findt de Aff garnet klug.
Er denkt, zeh Johr wäre defier schun genug.
Un so wars dann aa.

Dann hod er de Mann gmachd, des war de Kluh:
du bisch gscheit, un schdark noch dezu.
Du sollsch de iwwer alles erhewe,
un dodefier sollsch du zwanzich Johr lewe.

Dem Mann gfallds awwer so net, des isch klar:
geb mer vum Esel die iwweriche zwanzich Johr,
die fufzeh vum Hund un die Zehne vun de Affe,
dann hewe aa länger Zeit zum Schaffe.
Un so wars dann aa.

Jetz lebd de Mann zwanzich Jahr als Mann.
Er heierd, um dreisich Jahr als Esel dann
immer vun morjeds bis owends zu schaffe und
dann kumme Kinner, un er lebt fufzeh Jahr wie en Hund,
Bewacht se alle un er essd
was die Familie iwwerich lässd.

Im Alder dann lebd er wien Aff noch zeh Jahr,
amüsierd seine Enkel un fraid sich sogar.

Nadierlich sott sich jetz nermerds beklage.
Drum will i des aa allene sage:
Der Texd wirkd nemme ganz so frisch,
weil heit ewe alles annerschd isch.

OA0321