‚S isch alt worre des Karlsruher Mädle
trauert abber immer noch nach sechzich Johr
ihrm Kinnerkarlsruh hinnerher
wo se so viel platt gmacht hen
nei sie isch kei ewig geschtrige
e moderne Frau miteme wache geischt
jung gebliebe im Herz mit de Kinner
Smartphonelernwillige WhatsAppOma
Nur laufe kannse nimmeh gut
un des isch gut so
dann brauchtse nimmeh in d’Stadt zu gehe
ha do gibt’s doch nix meh zu sehe
was sich noch lohnt azugucke
Ein Telefonlade am annere
exotische Naseschmeichler
wer’s mag
ein Frisör am annere
Hoorschneide im Zwanzigminutetakt
drakomme ohne ameldung
Billigklamotte schleppe se düteweis raus
ihr Kurbelkino eifach weg
des dät jetz hunnert Seite gebbe
was eigfach weg isch
en Trauerflor wille übber die scheene Läde hänge
die nimmeh sin
schnell raus aus denne Ketteläde
aus denne kalte leblose Stadtgsichter

Ach komm alts Mädle vergesses
Mer muss verzeihe könne
in dem Fall weil’s weh dut
verzeihe ja vergesse net
gilt für so viel im Lebe
Jetz gehsch zum Hebeldenkmal
in des lauschige Schlossgarteeckle
sagsch e alemannisches Gedicht
des kannsch doch gut
wenn widder mol amme Chruetzweg stohsch
dann bisch widder des kleine Karlsruher Mädle
des sei Karlsruh‘ net weil sondern trotzdem lieb hat…..