’s wird Frühling
des rieche
des fühle
des schmecke
eins wunnert me
dass d’Leut bsonners manche Männer
manchmol sage
sie wäre im zweite odder dritte
bloß weilse uruhig werre
wennse e kurzes Röckle sehe
des nennese dann FRÜHLINGSGEFÜHLE
als ob se des net a im Winter habbe un spüre könnte
Für mich isch des scho Frühling Nummero fünfesiebzig
ich freu me eifach
dasses des immer noch gibt
d’Blume wo mer ihr Blüte entgegestrecke
riech me
d’Sonn wo rauswill aus ihrm Winterschlof
fühl me
d’Bank wo me eiladet dasse e me druffsetz
un mei erschtes Eis schlotz
schmeck me
un de Garte wo me ruft
’s gibt Arbeit ’s isch Frühling
un dann bete
lieber Gott lasses in hunnert Johr a noch so sei
von mir aus a die kurze Frühlingsröckle
uruhige Männer mit zwei drei Frühlingsgfühle
des abber erschtklassig
hauptsach Frühling
immer noch
un widder un widder….

Ich hab nur ’s Datum von meim Frühling Numero 47 in 75 verännert,
des steht noch im Gedicht ausem Buch „Goldlack und Tipota
von meim Freund Jürgen Friese un mir, des war 1993.
Soviel verännert hat sich nix, ’s isch nur e Zahl….
de Frühling isch immer noch deselbe…