22. Juli 2021

fluche

Otto Arnold

Kommentare

fluche

Wenn dir was iwwerd Lewwer laaft
un dir e miese Schdimmung schaffd,
dann kannsch die Mainungsfreihaid nitze,
mid Fluche dein gschdehrde Ego zu schditze.

Dass des Fluche werklich fungkzionird,
hod de Mischder Schdievens ausprobierd:
Mental isch mehner auszuhalde,
wenn die Adrenaline walde.

Manchsmol kanns aa besser sei,
du losch die hefdich Flucherei,
weil die effendliche Moral verglemmt
des ned als freie Moinung nemmd.

Im Lauf der Zeid hen sich die Ohsichde gedrehd,
was mer noch als hefdiches Fluche verschdehd.
Dass es immer meh fäkalisch werd,
hod me efders schun geschderd.

Es isch vieles annerschder hald heit,
Des ännerd sich grad wie a d Leit.
Drum kann e des jetzt so beschreiwe:
fluched –- oder lasseds bleiwe.

OA0721

(Ein Beitrag ist zu hören als Podcast des Deutschlandradios: deutschlandradio.de)
________________________________________

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.