26. August 2021

Fer die Dumme(?)

Otto Arnold

Kommentare

Fer die Dumme(?)

Die Boh hot in ihrer griene Exischdenznot en Reklamefeik abglasse,
wo mir aigedlich schun weh duh had.
Wenn mer in de Werbung druff sedzd, dass die Leit in de Schul ned ufbassd hen oder alles iwwer Fisik vergesse hen, dann zaigt sich widder mol, wie die Werbebrosch ihre Kunde eischätzd.
Dass die Boh achzich Brozend griene Schdrom eikaafd, isch vielleichd richdich, awwer des isch e roi vertragstechnische Sach, vun wellem Lieferand se de Schdrom kaafd.
Wann des e fisikalische Sach wär, dann miesde se jetz aa noch en neie Beamder eischdelle, nämlich den „Grie-schdrom-markierer“.
Jetz welle se werkle die baar Zieg, wo ogeblich mid grienem Schdrom fahre, mid eme Lebel kennzaichne. Awwer des isch en technische Uhfug, weil in de Owerlaidung vun de Boh blohs oi sord Schdrom sei kohn, nämlich de „Bahnwechselstrom“,  un dem isch egal, vun wellem Krafdwerk dasser isch.
Es koh also uf de gleiche Schdreck neet oin Zug mit Grie-schdrom un de anner mid Normal-schdrom fahre.
Un wemmer schun emol debei sen:
Dass des mi dem griene Schdrom blos e tarifliche Sach isch, wo mer nix nochweise koh, des gelt aa fer de Schdrom in eire Haushalde.
Kabierd?

OA0421

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.