25. März 2021

Faschd soviel wie iwwer Korona

Otto Arnold

Kommentare

Faschd soviel wie iwwer Korona
lest mer awwl iwwer d Kerch.

Was die Kardinäl un Bischef jetz grad ablenn un vertusche, sott mer fer en Veroi,
wo die alloiseligmachende Wahrhaid gepachd had, ned glaawe.
Un mir bezahle des jo aa noch alles mid unserer Schdeier wege dem Reichskonkordat.

Awwer des war scho immer so, dass die mid de Regierende midgmischd hen.
Mein Vadder hod immer gsagd, die helfe mid, des Volk dumm zu halde,
dann kammers besser regiere.
Newebei denke als aa, dass mer trotz dem polidische Bildungsgeschwafel ohne werkliche Akzione ohnemme kennd, dass die Bildungspolidik net werkle ernschd gnumme wird.

Im tausedjähriche Reich war die Kerch immer feschd uf de Seit vum Hitler, das isch gud belegt, awwer es isch immer zrickghalde worre.

Dodezu fallt mer e Episod ei vun noch em Krieg, wo sich de Kardinal Faulhaber grad so als Fraind vum Widerschdand nogschdelld hat.
I war  em fromme Hotzewald in eme Heisle mit de Herzlesdier un do ware so kloine Babierlen fer hinne ghengd.
Die ware vum Konradsblatt vun nainzehhunnerdnainedreissich un uf oim Blättle war en Bericht, dass de Kardinal Faulhaber nach dem veruglickde Attentat uf de Hitler am achde November en feierliche Dankgoddesdienschd in de Minchner Frauekerch zelebrierd hod un er hod mit sämtliche bayrische Bischef em Hitler zu seinere Erreddung beglickwinschd. Un de päpschdliche Nunzius hod ausser de Ateilnahm vum diplomadisdche Kohr noch die Glickwinsch vum Papschd Pius XII fer die wunnerbare Erreddung des Führers iwwerbrochd.
Des Blättle hewe noch lang ufghowe ghad bis mers nemme hod lese kenne.

Ihr sähnd, dass es ausser em Korona a noch anneres Inderesandes gebd.

OA0321

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.