Es gibt se noch

Neilich hemmer im Fernseher en wirklich scheener un
aschpruchsvoller Film gsehe. Seit langem war des
widder mol so en richtiger “Gänsehaut-Film”, der lang
im Kopf bleibt un den mer net am nexschte Dag scho
widder vergesse hat:

“Aus der Mitte entspringt ein Fluss”

Der Film isch zwar scho übber dreißig Johr alt, abber
ainer von denne seltene, die wo mer immer widder
agucke kann.

Do hat aifach alles z’sammegebasst, die Handlung,
die Landschaft in Montana um 1920 un bsonners die
Schauschpieler. De Brad Pitt kennt zwar jeder, abber
vom Craig Sheffer, der wo den ältere Bruder gschpielt
hat, ware mehr beeindruckt. En außergewöhnlicher
Schauschpieler un en Film, den mer ubedingt gsehe
habbe muss.

…. übrigens, mei Fraa war genauso begaischtert. Des
habbe do dra gmerkt, weil se bis zum Schluss wach
gebliebe isch