30. März 2023

Es Babba-Geis

Otto Arnold

Kommentare

Es Babba-Geis

De Babba Gei
un die Mama Gei
hogge beinanner ufeme Ei.
Mama dengd, es wär e Kinner-Ei,
wenns erschdmol ausgebriehded sei.

De Babba Gei
moind vun dem Ei,
des wär doch sicher e Guggugs-ei.
Mer mache es uf un gugge mol nei.
Ii dengk, do miesd schun was Rechdes drin sei.

Awwer oh wei:
mer sehd es schun glei,
es isch blohs e Babbedeggel –Ei!
Do duhn mer hald Bralihne dreinei,
un hen e brihma Oschder Ei.

Doch wie des aa sei,
wem schengkd mer so e Bralihne-Ei?
Es gebt Leit, uf die kannsch zornich sei.
Fer die gebts e Essichbralihne-Ei.

Oh weih, ohweih,
sotte Gedanke miesde ned sei,
drum winsch e eich allene oinerlei
e frehliche Oschderfeschdfeierei!

OA0323

3 Kommentare

  1. Thomas

    Arg schee isch’s worre Otto! Dir schöne Oschtern! Liebe Grüße vom Thomas

  2. Petra RieBüh

    Wie schön, dass Du widder mol was schreibsch! Und dann noch so was Goldigs!! Do kann jo Oschtern nur schee werre. Dir au e wunderbares und g’mütliches Oschderfeschtle!

  3. Angelika

    „Er ist wieder da, wieder hier…“
    Schee, Otto, dass’es so isch !
    Bei uns hot ma frieher „Bralinee“ gsagt un i moan sogar, mol ebbes vun „Essich-Bralinee“ gheert zu hawwe…hot’s die wirklich gewwe ?
    Heit gibt’s jo so Dinger, die sin mit allem Meegliche gfillt, die gibts sogar mit Spargel- un mit Bier-Gschmack…

    De Oschderhas‘ soll’der awwer die bringe, wu Du em liebschde magsch un vun denne ganz viel !