24. Oktober 2020

Erinnerunge an e heiße große Liebe

Judith Rimmelspacher

Kommentare

Ich hab de gwarnt
wenn du mich afasse willsch
nur mit topflappe
ich bin e heiße glutvolle person
von null uff hunnert
du hasch me mit bloße händ agfasst
hasch der verbrennunge dritte Grads zugezoge
ich hab de gwarnt
du hasch alle warnunge in de wind gschlage
bisch bei mir verrrückter person gebliebe
un des siewennefuffzich  johr
hasch alles ausghalte
a wenne in zehn minute fünfmol
mei meinung geännert hab
do muss mer erscht mol mitkomme
des muss mer erscht mol aushalte
ich däte so gern nochmol warne
dät sogern nomol in zehn minute
fünfmol mei meinung ännere
und dich sage höre
ach lass doch de geischt ruhe
abber du bisch jo nimmeh do
’s war keiner so wie du
heisswarme liebe bis zum tod
en annerer soll mer jo net zu nah komme.
A e alde scheuer brennt noch
sagt mer
die topflappe habbe noch…

0 Kommentare

Einen Kommentar abschicken

Deine E-Mail-Adresse wird nicht veröffentlicht. Erforderliche Felder sind mit * markiert.