18. März 2022

Entscheidung

Buddy Hills

Kommentare

S‘ isch hökschte Eisebahn,
dass du zum Zug kommsch!
Beim Weiche stelle
bloß net unner die Räder rutsche!
Es braucht als än Tunnelblick
um uff ä Ziel echt druff zu halde
Du kannsch abba au entgleise.
Odder de Zug isch scho lang ab g’fahre
Je nach dem
hin un her gedenkt
verstehscht am End
nur noch Bahnhof…
un musch dich trotzdem entscheide.
Sich Zeit lasse könne
für än Beschluss zum fasse
isch Luxusklasse.
Abba wie oft isch
ohne Fahrplan
kurz vor Abfahrt
des Trebbe-Zum-Bahnsteig-Nuffrenne,
de bestimmende Moment?
Grad, wenn d’Lok dann anfährt
wirds dir klar, ob du im rechte Zug hoksch
odder verkehrt bisch.
Ab jetzt gilt: es wird durchgezoge.
Kannsch hökschtens noch die Notbrems ziehe.
Des heißt dann abber:
komplett Alle
mit nei ziehe
in dei Entscheidung.

1 Kommentar

  1. Angelika Futterer

    Wer will do heitzudag schun „Entscheider“ sei un in demm seine/denne ehre Haut schdegge ? Wer hot do ’s richdiche Gschbier im richdiche Moment, wu alles Zug um Zug zamme fort raddert … ?
    Ebbes aussitze, dess geht nimmeh, die Zaide sin vorbei .
    En Pfingschtgaischt wär vunneede…awwa bis Pfingschde isch’s halt noch lang !

    Antworten

Einen Kommentar abschicken

Deine E-Mail-Adresse wird nicht veröffentlicht.