21. Januar 2025

E Präsidentedrückerle

Irmtraud Bernert

Kommentare

E Präsidentedrückerle

Gell, so en Kalenner im Januar isch noch so herrlich jungfräulich! Awwer oi wichtigs Datum steht doch scho drin: heut, am 21.Januar, isch de Weltknuddeldaag! Do derf sich nach Herzensluscht umarmt werre! Des isch gut für d’Seel und für d’Immunabwehr. Un em Weltfriede täts au net schade, wenns denn alle mache täte!

Awwer gnau do isch au scho de Hake bei dere Sach: net alle wolle’s! Geschtern bei de Amtseiführung in Amerika: die neue Förschd Lady hats eindeutig net gwollt. Ich heb mir die ganz Zeit üwwerlegt, warum se sich en dermaße breitkrempige Hut uffgsetzt hat, unner dem se kaum hat vorgugge könne. Nachem Amtseid war mir alles klar: des war en Kuss- un Umarmungsverhinderungshut! De frischgebackene Präsident konnt ere nur e Hand uff d’Schulder lege. E weitere Annäherung war hut-technisch beim beschte Wille net meeglich. Jetzt tut mir der arme Mann fascht e bissle loid.

Ich schick dem jetzt e dickes Drückerle in sei Oval Office – vielleicht stimmts en beim Dekrete unnerschreiwe e bissle milder?! Schlecht wärs net!

3 Kommentare

  1. Angelika

    Irmtraud, Du wärrsch doch net…der muss a mol zu schbiere griege, dass net all wolle, was e r will !
    (Hajo, Du kummsch halt a grad aus’m Urlaub un bisch gut druff !)

  2. Judith Rimmelspacher

    Des kann nix schade, ich falt‘ jeden Dag mei Händ‘ un bet‘ – a für so einer un für alle Herrscher,
    die die ganze Welt umkremple wolle.
    Wie heißt’s in meim Weihnachtsgschichtle : A für die isch dein Sohn gstorbe – grad für die….

    Und das Zitat von Georg Christoph Lichtenberg hat zu allen Zeiten Gültigkeit:
    Wir leben in einer Zeit, wo ein Narr viele Narren, aber ein Weiser nur wenige Weise macht….

  3. Petra RieBüh

    Hasch gut beobachtet! Eigentlich isch ma beim Trump de Humor abhande komme. Aber Du hasch recht: Humor isch, wemma trotzdem lacht!!! Un e bissel hämisch kann i do au sei …