– ...wäre als ‚Kommentar‘ zum Buddy sei’m ledschde Blogbeitrag „Zwische A u. B liegt UND…“ zu lang u. basse vielleicht a noch zum Thomas seinere ‚Pressemitteilung‘ ?) –
Erschtmol Dankschee, Buddy, fa Dei Vorlag, wu’me uff noch annere Gedangge gebrocht hot…
Hosch’s in Dei’m Beitrag hauptsächlich vun de geografische Gegewwehaide und vum Leewensschdiel in’ere Geegend, wu doch e gwissi badischi Toleranz un Gaschtfreundschaft zu schbiere isch (un vielleicht zu wennich Aigesinn ?)….
Fangsch oa mit’eme Landschdrich „uhne b’sondere Glanz“ un bringsch awwer a glei denooch d’Schbrooch vun dort mit ins Schbiel…oanere, wu „net de Renner „ isch…
Nenn’sch se en „Zwische-Dialekt“, wu „vun de Welt eher uff null gsetzt „ wärd, schwätsch vun’ere „Nordbadische Nixsaglichkeit „ in’eme „Übergangsgebiet“,
wu ma awwer schließlich doch – so Dein Schluss – „bei offene Auge e paar ‚Badische Gutsele‘ in de regionale Geografie“ entdecke kennd…
Was hot me dodebai oagschbornt, ebbes dodezu im Blog zu schreiwe ?
I fiehl me schun heimisch in der beschriwwenne Gegend…
Un dann war’es glei emol die „offene Auge“, mit denne bloß d’Leser vun de ‚Badische Gutsele“ ebbes entdecke kenne… un dann halt a glei die Froog hinnenooch, warum d’Ohre in derre Region net a ebbes Guts vernemme kennde ? (Un wann net, an was dess liegt ?)
„Sprachlich als a kulturell“ hosch zammegebrocht, Buddy, mit Blick uff unser Schbrooch… un deswege froog i me weider, ob bloß dess, was schbroochlich gut klingt (un sich gut liest) bei gängichere u. beliebtere Dialekte kulturell hecher zu bewerte isch wie bei oam aus’eme „Übergangsgebiet „ ???
Un Eich all, wu dess lese, aa: was isch do iwwerhaupt ’s Problem ? – Wie wann d’Leit vun dort mit ihrem Dialekt nix riwwer zu bringe hedde… !
Dass so oaner , wu „vun de Welt eher uff null gsetzt“ wärd demnooch so gut wie net exischdiert , isch jo glasglar !
Zu frooge wär noch: wer odder was isch „d’Welt?“
‚d Finanzwelt ? Do kennd i e Liedl singe…die Erfahrung hab i a schun gmacht, dass’es die sei kennd …
un zwar mi’m Stuttgarter ehapa-Verlag (wu u.a. alle Asterix-Bänd rausbringt)…Bei denne hab i mol oagfroogt, ow i net drei Seite aus irgendoam vun denne viele Bänd uff Huddemerisch umgschriwwe in’eme dort jährlich erscheinende Heimatbrief-Bläddl vereffendliche dirft…ob do de Verlag so ebbes gnehmiche ded… (?) Jesses, henn die erschmol e Gedees gmacht, dess schdrengschdens unnersagt un mer glei mit juristische Waffe gedroht… Awwa: was noch viel schlimmer war: ma hot den vun mir beigfiegde Dialekt-Text glei garnet erscht durchglese….obwohl – wie i viel annere a gfunne hedde, dass grad des bissl olwwere Badisch-Fränkisch sich in de Schbrechbloose vun dem Aschderix odder Obelix ganz toll gmacht hedd un richdich schdimmich gwest wär, schbroochlich …
Awwer noi, was henn die fa Versjoone gebrocht ? Kurpälzisch (dess is jo a net grad bassend !) un Alemannisch (viel zu sieß !) un Saarlennisch mit ’s vor’m Vorname…un noch annere wennicher bassende…
Warum ? Weil’s Verbreidungsgebiet groß gnuug war zum gnuug-Geld-Verdiene !
Mir do, in derre IwwergangsRegion, sin bislang numme zu wennich glese und oaghorcht worre…„d’Nordbadisch Nixsaglichkeit“ isch- dess glaab i – ebbes vun ausse….kummt vun’eme erschde Klang- Ei’druck…isch awwer e uralds „Vor-Urteil“ !
(Odder isch se en Jammer-Ausdruck vun uns selwer ?)
UND waiß ma driwwernaus aigendlich net noch dezu, , dass schdille Wasser (aus denne net die schlechtschd Kultur gschepft wärd) oft dief gründe…
Isch’s net so ?
O la la! Ins Schwarze getroffe! Also, für mich hat des Nord- Badische, grob g’sagt, zwische m‘ Allemannische und Kurpfälzische än Klang von Heimat, von Herkunft, von Prägung. Wie ich emol ahg’fange häb, in derre Spoch zu schreibe, un vom Thomas Heitlinger ei’glade worde bin, für die Badische Gutsele zu schreibe, hat mir des viel Spass g’macht. bis zum heidige Daag! Un grad, weil des Dialekt do eher ä Mauerblümle im bunte Strauß von de deitsche Dialekte isch, macht mers doppelt soviel Spass, uf meinere Fassong Badisch zu schreibe. Dess Dialekt isch kai Klassiker unner de Dialekte, wie ich in meim Texscht zum Ausdruck bringe g’wellt häb. Die Gegend, aus der ich herkomm, isch au kai Tourischte Magnet un käu Toskana. So häbb ich des mit de „Nixsaglichkeit“ ausdrigge welle. Ma fahrt halt meischtens dra vorbei. Un fier mich isch de Witz: sobald ebbes schreibsch, isches ä Stückle Kultur. Also kai Geldverdienscht, kai Goldgrub, ..kommscht au ned in „Titel,Thesen.Temparamente…….abber ich kann demm Landstrich ä bissele was schenke, middem Schreibe. Un wenn die „Außewelt“ von demm Gebiet mangels Attraktivität und Markenzeichen, kai Notiz von nimmt, isch des fier mich schlüssig, un kai Problem, kai Anklage, un Soveso: kai Problem mid Selbschtbewusstsein. Weil an letschterm kanns äum au fehle ,in Stuttgart, Paris oder Sacramento. Un was bleibt jetzat iwwerig? Ganz aifach: kai Pralineeee , kai Sorbeeee, äufach ä Gutsele zum Schlotze, wenn ma sich schriftlich im „Nordbadische“ ausdrigge will, wie ä Gräfitti oder ä Stickerei. Grad zu leid! Un wie mir hier uns kommentiere, duuts uns gut, die Kepf z’samme zum stecke. Weil: Höxschte Wahrheite, exzellente Gedanke, kenned mir logger ribber bringe, ohne uf Außewirkung zu schiele, selbschtverfreilich, weil dess isch de Spatze gepfiffe. Sozusage: voll emanzipiert. Dess hat vielleicht in mei’m Texscht g’fehlt. Denn nemm ich mol als Vorwort fier irgend ebbes. 🙂