11. April 2022

E Lob uf de klei‘ Brueder

Ulrike Derndinger

Kommentare

De Thomas isch als mit sinnem Vatter uf unser Hof kumme. D Vättere hän langi Johre zämme s Welschkorn ghäckselt un ins Fahrsilo druckt. Mit drizehn isch er selwer uf em Bulldog ghuckt un het Gas gän.

Hit isch er Mitte drissig, het Automechaniker glehrt un tribt sinni Äckerli im Neweerwerb um. Er isch e Schaffer. Am letschte Samschtig het er widder de ganze Tag Holz gmacht.

Sinni Text-Nochrichte, wu er schickt, sin immer kurz. Uf e Frog, ob er hit lang schaffe muess, schriibt er: „Ich arbeite heute mit original Nixkönner.“ Do weisch Bscheid – hit duurts.

De Thomas isch e Dialektkind, er dät nie usem Dorf wegziege oder s Bure ufgän. Deswege het ne minner Vater au so hochghalte. Wu seller immer weniger wore isch, het de Thomas, fascht zwei Meter lang un e Meter breit, gmacht un tuen fir ne. Lupfe, stemme, risse, schucke, hämmere, flexe, schalte, drucke. Ruckwärts isch er mit em greeschte Bulldog samt Hänger ins kleinschte Schiireloch gschlupft. Un de Abfalleimer het er als au noch fir ne uf s Trottwar gstellt.

„Geschtern zehn Johr“ het mir de Thomas vor e paar Täg gschriibe. De Thomas isch einer vun de vier Sargträger bim Vatter sinnere Liicht gsin. Er isch wie e kleiner Brueder un hilft au mir, wenn ebbs isch. Ich hab nit an de Johrestag denkt. Awer er. Jeder sott e Thomas han.

2 Kommentare

  1. Angelika

    Do hosch so was vun recht, Ulrike, … „Jeder sott e Thomas han“ a wann’er net grad wie Deiner „Thomas“ haißt.. Oisilbich , awwa mit Diefgang… un: ma gennt’n Dir vun Herze !

    Antworten
  2. Judith Rimmelspacher

    So schee von Dir zu lese, liebe Ulrike un ich kann a Dein Dialekt gut verstehe, ich les des nämlich immer laut.
    Ich hab a so en
    Thomas, der heißt Sven un isch mei Sohn un der isch zweisilbig, abber miteme goldene Herz un kommt glei agsaust, wenn
    mit de Mudder was isch trotz seiner viele Arbeit.
    Ich denk immer noch gern an unsere gemeinsame Lesung bei de Lideradurdage 2020
    Scho widder so lang her, abber uvergesse…..

    Antworten

Einen Kommentar abschicken

Deine E-Mail-Adresse wird nicht veröffentlicht.