D’Schränk ausraume en de Rage
de Klädersack naus en d’Garage
d’Abholung kommt nach Termin
so manches gude Stück isch drin
drei vier Däg laafe dro vorbei
un denk was sei muss des muss sei
bisse dann doch noch reuig werr
den Sack uffmach un riwwer zerr
mensch her die Hos des gude Stück
die grüne Blus wär a noch schick
den helle Bläser der war deuer
der geht doch noch ih brauch koi neier
so mache weider fascht e Stund
ih geh dem Sack bis uff de Grund
de Rescht hawwe uff d’Strooß nausgstellt
ih fühl me wahrlich wie en Held
der Sack isch höchstens zwoi Stund gstanne
bis er samt Inhalt ging von danne
bevor die Firma ihn wollt hole
hen se mer den ganz oifach gstohle
do wär doch wirklich was gebotte
wenn mir demnächst mol die Klamotte
begegne däte uffem Weg
zum Supermarkt de Apothek
Egal was fort isch des isch fort
Resycling pur direkt vor Ort
drum eines besseren belehrt
erscht was mer wegschmeist isch was wert

Else Gorenflo wird so manchen inspiriere
zum Uff- un ausräume – ’s isch Frühlingsafang.
Für dich liebe Else, aufgeschrieben von
Judith Rimmelspacher